Լոլիտան պատասխանել է իր մոտալուտ ամուսնության եւ Ռուսաստանից հեռանալու մասին կանխատեսումներին
20:29 15 հունվարի, 2024Երգչուհի Լոլիտա Միլյավսկայան Telegram-ի իր ալիքում հայտնել է, որ չի պատրաստվում լքել Ռուսաստանը եւ պատրաստ է ամուսնանալ, եթե ամուսնու դերում արժանի թեկնածու լինի։ Այս կերպ երգչուհին պատասխանել է գուշակի այն կանխատեսումներին, թե ինքը լքելու է Ռուսաստանն ու շուտով կամուսնանա։
Արտիստի խոսքով՝ ինքը չի պատրաստվում «ոչ մի տեղ գնալ»։ «Շարունակեք քննարկել, իսկ ես անհամբեր սպասում եմ հաջող ամուսնության: Եթե թեկնածու լինի, անպայման կտեղեկացնեմ»,-ասել է երգչուհին։
Լոլիտան քննադատության թիրախում էր հայտնվել նախորդ տարեվերջին բլոգեր Անաստասիա Իվլեեւայի «մերկ երեկույթին» մասնակցելու պատճառով։ Նրա մի քանի ելույթներ չեղարկվել էին, սակայն արտիստը հայտարարել է, որ հանգիստ է ընդունում այն ամենը, ինչ տեղի է ունենում։
Լուսանկարը՝ Vyacheslav Prokofyev