Երկու հանճարների համագործակցությունը․ Թադաո Անդո եւ Արմանի = Armani Beach Residences Դուբայում՝ Պալմա Ջումեյրա կղզում
16:34 22 հունվարի, 2024Ճապոնացի հանճար և Պրիտցկերովյան մրցանակի դափնեկիր ճարտարագետ Թադաո Անդոն համագործակցում է Arada-ի հետ՝ Դուբայի Պալմա Ջումեյրա կղզու վրա Armani Beach Residences-ի կառուցման նպատակով։ Համալիրը ներառում է 2 հինգսենյականոց 53 կեցավայր, ինչպես նաեւ պենտհաուսներ եւ երկու նախագահական լյուքս։
Գները սկսվում են 21 միլիոն դիրխամից (5,7 միլիոն ԱՄՆ դոլար) երկսենյականոց բնակարանի համար, 32 միլիոն դիրխամ (8,7 միլիոն ԱՄՆ դոլար)՝ երեքսենյականոցի, 51 միլիոն դիրխամ(14 միլիոն ԱՄՆ դոլար)՝ չորսսենյականոց կեցավայրի համար, եւ 60 միլիոն դիրխամ (16,3 միլիոն ԱՄՆ դոլար)՝ հինգսենյականոցի։
Բացառիկ պենտհաուսների եւ նախագահական բնակարանների արժեքները չեն բարձրաձայնվում, սակայն կարելի է ակնկալել, որ դրանց գներն ահռելի կլինեն։ Նախագահական ամենամեծ լյուքսն ունի 43 830 քառակուսի ֆուտ մակերես, իսկ երկսենյականոց ամենափոքր բնակարանը՝2657 քառակուսի ֆուտ։ Ինտերիերի դիզայնն, իհարկե, Armani/Casa-ի կողմից է։
The National-ի տվյալներով բնակիչների համար նախատեսված հարմարությունների մեջ են մտնում սպա կենտրոնը, միջոցառումների համար նախատեսված բազմաֆունկցիոնալ սրահը, սիգարի սրահը, փոքր կինոթատրոնը, մանկական խաղասենյակը, գեղեցիկ տեսարանով պատշգամբը, ինչպես նաեւ մասնավոր լողափը։ «Բնակարանները The Palm-ում ամենամեծերից մեկն են, դրանք կազմում են առաջատար 5%-ը»,-պատմել է Ռոզա Փիրոն՝ The National-ի՝ Arada բիզնեսի զարգացման գծով ավագ տնօրենը։
Շինության վերեւում պատվավոր տեղ զբաղեցնող երկու նախագահական լյուքսերը կարող են հպարտանալ ներսի բակով, լողավազանով, մարզասրահով, գրադարանով, մասնավոր կինոթատրոնով եւ կայանատեղիով, որը հատկացված է ոչ պակաս, քան յոթ ավտոմեքենաների կայանման համար։