Mob Wife Aesthetic-ը (մաֆիայի պարագլխի կնոջ էսթետիկան) 2024 թվականի առաջին նորաձեւության միտումն է, որը զգալի ժողովրդականություն է ձեռք բերել:
Մորթե վերարկուները, կենդանական պրինտը, ծավալուն մազերը, կարմիր շուրթերը եւ հսկայական ոսկե զարդերը փոխարինել են նրբագեղ մինիմալիզմին, իսկ TikTok-ում #mobwifeaesthetics-ը վերջին 10 օրվա ընթացքում արդեն հավաքել է ավելի քան 52 միլիոն դիտում, գրում է Vogue-ը։
«Զուսպ հագնվելու եւ պարզապես հարստությունը նմանակելու փոխարեն, այս միտումը նախընտրում է բարձր արտահայտվել. դյութիչ, համարձակ հագուստ, որը նախատեսված է տարբերվելու համար»,-ասում է Depop-ի տենդենցի դեսպան Ագուս Պանզոնին՝ վկայակոչելով անցյալ տարվա տարվածությունը առանց լոգոների դիզայնի եւ «old money» էսթետիկայի շուրջ: Նա ավելացնում է, որ մորթյա վերարկուների որոնումները այս ամիս արդեն աճել են 18 տոկոսով, մինչդեռ ընձառյուծի տպագրության որոնումները աճել են ապշեցուցիչ՝ 213 տոկոսով:
Անցյալ տարեվերջին Դուա Լիպային նկատել էին Նյու Յորքի Գրինվիչ հյուրանոցից դուրս գալիս, եւ նա կրում էր ժանյակավոր կոմբինեզոն եւ արհեստական մորթուց մեծ վերարկու: Քենդալ Ջենները Ասպենում հագել էր Phoebe Philo-ից՝ մինչեւ հատակը հասնող շղարշե վերարկու: Ջենիֆեր Լոուրենսը 2024 թվականի «Ոսկե գլոբուսի» երեկույթին ժամանել էր պրինտավոր մորթյա վերարկուով:
Ֆարել Ուիլյամսի՝ Louis Vuitton շոուում ներկայացված էին մի քանի մորթյա կամ արհեստական մորթյա վերարկուներ, ինչպես նաեւ՝ DSquared2-ի եւ Dolce & Gabbana-ի SS24 տղամարդկանց հագուստի հավաքածուներում: Մինչդեռ Chanel Metiers d'Art 2024 եւ Saint Laurent SS24 կանացի շոուներում ներկայացված էին վերարկուներ՝ կենդանական պրինտի եւ մորթու համադրությամբ։