Ամերիկացի երգչուհի Դոուն Ռիչարդը «Գրեմմիին» ներկայացել է հայ դիզայներ Khosrov-ի զգեստով
11:20 5 փետրվարի, 2024Ամերիկացի երգչուհի Դոուն Ռիչարդը «Գրեմմի»-ի 66-րդ մրցանակաբաշխությանը ներկայացել է հայ դիզայներ Khosrov-ի գարուն-ամառ 2024 հավաքածուի զգեստով։
Посмотреть эту публикацию в Instagram
«(Զգեստը) ոգեշնչված է Բոտիչելիի «Պրիմավերա» կտավից»: @_khosrov_-ն այս ապշեցուցիչ զգեստն անվանել է «ծառ»: Իմ երաժշտական ճանապարհորդությունն անցել է սերմեր տնկելով եւ դրանց աճին հետեւելով: Անկախ արտիստի աճը ցույց տալու համար մենք ընտրեցինք ծառը, որը կներկայացնի, թե ինչպես ենք մենք ծաղկել արդյունաբերության մեջ: Շնորհակալ եմ @_khosrov_ին՝ արվեստի այս հրաշալի ստեղծագործության համար»,-Instagram-ի իր էջում գրել է երգչուհին։
Посмотреть эту публикацию в Instagram
«Մեր ապրանքանիշի հայկական ժառանգությունն արտացոլված է ավանդական պրինտներով եւ ուրվանկարներով: Մենք կատարելագործել ենք նախորդ ոճերը՝ բրենդի ինքնությունը ստեղծելու համար՝ կենտրոնանալով մետաքսե շիֆոնի եւ հմտորեն ձեւավորված բաճկոնների վրա»,-ասվում է դիզայների կայքում ներկայացված հավաքածուի նկարագրության մեջ:
Посмотреть эту публикацию в Instagram
«Այս սեզոնը լի է աքսեսուարներով՝ կոշիկներ, զարդեր եւ արեւային ակնոցներ, որոնք նախագծվել եւ ստեղծվել են այստեղ՝ Իտալիայում: Աքսեսուարների շարքում աչքի են ընկնում օձաձկի կաշվից, ոսկուց եւ արծաթից պատրաստված զարդերը:
Посмотреть эту публикацию в Instagram
Ոսկուց եւ արծաթից զարդերին փորագրություններ կան, որոնք արտացոլում են բուսաբանական գեղեցիկ մոտիվներ: Վարդի փշերը եւ փայտային տարրերը ձեւավորված են ականջօղերի, արեւային ակնոցների եւ այլ իրերի շուրջ: Մենք վերարտադրել ենք 11-րդ դարի հայկական մետաղադրամները՝ մշակութային ինքնության միջոցով կրողին հաղորդելով ուժի սուր զգացում: Ռոմանտիկան, նորաձեւությունը, վարպետությունը եւ պատմությունները միաձուլվում են ուրախության եւ տոնակատարության սիմֆոնիայի մեջ՝ ցուցադրելով հայկական ժառանգության միությունը իտալական արվեստի հետ»: