Երեւանի թոփ 5 ռեստորանները, որոնք ունեն պահքի ճաշացանկ
16:21 14 փետրվարի, 2024Հայաստանն ու խորովածը գրեթե հոմանիշ են, իսկ ի՞նչ, եթե ուզում եք համեղ ու հետաքրքիր կաղամբով աղցան: Մենք հավաքել ենք մի քանի վայրեր, որոնք առաջարկում են պահքի ուտեստների լայն տեսականի՝ յուրաքանչյուր ճաշակի համար։
Syrovaryna-ն գյուղական ռեստորան է Երեւանի սրտում, որն ունի առանձին պահքի ճաշացանկ: Բացի ավանդական ուտեստներից, այստեղ կարող եք գտնել պահքի խորտիկներ, ապուրներ, պիցցաներ եւ աղանդեր:
Հասցե՝ Հյուսիսային պողոտա, 5.
Limone-ն իտալական ռեստորան է՝ պահքի մի քանի օրիգինալ ուտեստներով։ Այստեղ դուք կարող եք փորձել բուսական սենդվիչ կամ պիցցա, ինչպես նաեւ՝ մի քանի թեթեւ աղցաններ։
Հասցե՝ Թամանյան, 3/81։
Garun food and more-ը փոքրիկ սրճարան է՝ պահքի ուտեստների հարուստ ընտրանիով, դրախտ՝ բուսակերների եւ վեգանների համար: Այստեղ կարող եք փորձել բուսական թարթար, բուսական բուրգեր, բրաունի եւ շատ ավելին:
Հասցե՝ Թումանյան, 40։
Indian Mehak Restaurant & Bar-ը հնդկական ռեստորան է, որը մատուցում է բուսակերների բազմազան ուտեստներ՝ հնդկական համեմունքներով եւ խոտաբույսերով:
Հասցե՝ Կորյունի, 10
Martini Royale-ը իտալական սրճարան է, որն ունի ճաշատեսակների բազմազանություն՝ ներառյալ առանց մսի ուտեստներ: Այստեղ դուք կարող եք փորձել տոֆու աղցան, սերուցքային ապուրներ եւ տարբեր տաք խորտիկներ:
Հասցե՝ Աբովյան, 16։
Ռեգինա Մելիքյան