2024թ. աշուն-ձմեռ Michael Kors հավաքածուն ոգեշնչվել է դիզայների տատիկից

16:21   15 փետրվարի, 2024

2024թ. աշուն-ձմեռ Michael Kors հավաքածուն ոգեշնչվել է դիզայների տատիկից։ Հայելային ճեմասրահում հանրահայտ ու հարուստ մարդկանց ամբոխի մեջ են դերասաններ Բլեյք Լայվլին, Քետի Հոլմսը, Ռեյչել Զեգլերը, Բրի Լարսոնը, Գաբրիել Յունիոնը եւ շատ ուրիշներ։ Միջոցառմանը ներկա է նաեւ Vogue-ի գլխավոր խմագիր Աննա Վինտուրը։

мк.jpg (34 KB)

Ցուցադրությունից առաջ Կորսը բացատրել է այս հավաքածուի ստեղծման նպատակը Associated Press-ի հարցազրույցում։ «Երբ աշխարհը շրջվում է, ես կարծում եմ, որ իմ աշխատանքն է ստիպել մարդկանց իրենց ավելի վստահ զգալ։ Դա այնքան հեշտ է»,- ասել է Կորսը։

мк1.jpg (35 KB)

Նրա մայրը՝ Ջոան Կորսը, որը մահացավ անցած տարի, ուժեղ ազդեցություն էր գործում նրա կյանքի եւ կարիերայի վրա։ Բայց այս անգամ նրան ոգեշնչել է տատիկը։

мк2.jpg (35 KB)

«Ես գտել եմ իմ տատիկի հարսանեկան զգեստը, նա ամուսնացել է 30-ականներին, եւ ես սկսեցի փորփրել 30-ականները, որովհետեւ նրա զգեստը անհավանական ժամանակակից էր թվում»,- ասել է Կորսը՝ նշելով, որ սկսել է մտածել հին Հոլիվուդի մասին։ «Մենք տեսանք կնոջ անձի երկու կողմերը, տեսանք շատ զգայական բաներ, Քերոլ Լոմբարդին եւ Ջին Հառլոուին, իսկ հետո մեծ դասականներին, ինչպիսին են (Մառլեն) Դիտրիխը եւ Քետրին Հեփյորնը, եւ կապող թելը, որը միավորում է նրանց բոլորին»,- ասել է Կորսը։

мк3.jpg (40 KB)

Հավաքածուի ստեղծման գաղափարը այդ տարրերի հիման վրա տպավորել է Ռեյչել Բրոսնահենին։

Հավաքածուն առաջարկում է թվիդային ժակետների, երկօձիք վերարկուների, կիսաշրջազգեստների եւ փայլերով հագուստների լայն ընտրություն։ Քաշմիրի սվիտերներ բարձր օձիքներով, հաստ ակնոցներ եւ նուրբ պայուսակներ։ Որոշ բացառություններով՝ հիմնականում օգտագործվել է գույների չեզոք ներկապնակ՝ գորշի ոչ մեծ եւ սեւի մեծ քանակությամբ։

мк4.jpg (35 KB)

«Սեւը, հաստատ, հավաքածուի մի մասն է։ Բայց կան նաեւ կապուչինոյի եւ շոկոլադի ջերմ երանգներ, շատ են մետալիկան եւ բրոնզը, որոնք ես սիրում եմ»,- նշել է Կորսը։

мк5.jpg (34 KB)

Գունային գամմայից բացի՝ Կորսը ձգտում է ստեղծել կիպ գրկող, զգայուն մոդելներ՝ լայն կոմֆորտով։ «Բանն այն չէ, որ ինչ-որ կիպ գրկող բան հագնեն։ Բայց խոսքը, հաստատ, նաեւ մարմինը ցուցադրելու մասին է։ Ահա թե ինչու այսօր դուք կտեսնեք ցանկացած տարիքի եւ ցանկացած չափսի մոդելներ»,- ասել է Կորսը։



© NEWS.am STYLE