Սիլվեստր Ստալոնեն 7 լուրջ վիրահատության է ենթարկվել՝ նկարահանումների ժամանակ վնասվածք ստանալուց հետո
11:20 22 փետրվարի, 2024Սիլվեստր Ստալոնեն յոթ լուրջ վիրահատության է ենթարկվել՝ 2010 թվականի՝ «Անդիմադրելիները» ֆիլմի նկարահանման հրապարակում Սթիվ Օսթինի հետ մենամարտի տեսարանը նկարահանելիս, երբ վնասել էր պարանոցը:
«Ես հիմարություն արեցի. Ես բեմադրում էի ֆիլը, եւ ապուշի պես տասներորդ փորձից հետո մի հարված արեցի, որից հետո զգացի, որ ինչ-որ բան կոտրվել է»,-77-ամյա դերասանը պատմել է իր՝ «Ստալոնե ընտանիքը» ռեալիթի շոուի ժամանակ:
«Ես երբեք չվերականգնվեցի դրանից հետո: Այս ֆիլմից հետո ֆիզիկապես արդեն նախկինը չէի։ Ես զգուշացրել եմ մարդկանց՝ ինքնագլուխ հնարքներ մի արեք»։
Բացի պարանոցի խնդրից՝ դերասանին նաեւ անհրաժեշտ էր ողնաշարի բուժում՝ տեղահանված ուսի ապքինման համար: Ճակատագրի տարօրինակ շրջադարձով, մի քանի վաղ վիրահատությունների ենթարկվելիս, Ստալոնեն հիվանդանոցային սենյակը կիսում էր իր գործընկեր Առնոլդ Շվարցենեգերի հետ, ով նույնպես ուսի վնասվածք էր ստացել:
Ստալոնեի կինը՝ սուպերմոդել Ջենիֆեր Ֆլավինը, խոստովանել է, որ սարսափ է ապրում ամեն անգամ, երբ ամուսինը ստիպված է լինում անցնել դանակի տակ։ «Նա փորձում է քողարկել ցավը՝ ձեւացնելով, որ ոչինչ էլ չկա: Նրան դուր չի գալիս, երբ մարդիկ իմանում են իր մեջքի վիրահատությունների մասին: Մեր ընտանիքի համար շատ սարսափելի է ամեն անգամ, երբ նա պետք է վիրահատվի…»:
Հաղորդվում է, որ դերասանի վիրաբույժը նրան ասել է, որ մոտ ապագայում նա, գուցե, ստիպված լինի ողնաշարի ստորին հատվածում «արհեստական սկավառակներ» տեղադրել։
«Շատ դժվար է տեսնել, թե ինչպես է հայրս անցնում մեկ այլ ցավոտ վիրահատության միջով»,-ասել է Ստալոնեի դուստրը՝ Սքարլեթը,-«Իմ ամբողջ մանկության ընթացքում նա ցավեր էր ապրում։ Նա ամեն ինչ արել է ցավը հաղթահարելու համար»:
Ստալոնեն կատակել է, որ ինքը կատարյալ ընտրություն կլիներ Կվազիմոդոյի դերի համար, «եթե երբեւէ կարիք լիներ «Նոտր Դամի կուզիկը» ռիմեյքը նկարահանել»։