Ժերար Դեպարդյեին կրկին մեղադրել են սեռական ոտնձգությունների մեջ

Ֆրանսիացի դերասան Ժերար Դեպարդյեն կրկին մեղադրվել է սեռական ոտնձգության մեջ։ Այս անգամ մի կինոդիզայներ պնդում է, որ դերասանն իր հանդեպ ոտնձգություններ է թույլ տվել 2021 թվականին՝ նկարահանումների ժամանակ, հայտնում է AP-ն։

Փարիզի դատախազներին ուղղված բողոքում նա 75-ամյա Դեպարդյեին մեղադրում է նաեւ սեքսիստական ​​չարաշահումների մեջ, ասել է նրա փաստաբան Կարինե Դուրյե-Դիբոլեն։

53-ամյա դեկորատորը պնդում է, որ «Les Volets verts» («Կանաչ կափարիչներ») ֆիլմի նկարահանումների ժամանակ Դեպարդյեն բռնել է իրեն եւ ձեռքով սեղմել գոտկատեղը, որովայնը եւ կուրծքը։ Փաստաբանի խոսքով՝ ենթադրյալ բռնությունը դադարեցվել է այլ անձանց միջամտությունից հետո։

Դեպարդյեի դեմ նախնական մեղադրանք էր առաջադրվել 2020 թվականին՝ դերասանուհի Շառլոտ Առնուի մեղադրանքներից հետո:

Ավելի քան մեկ տասնյակ այլ կանայք, նույնպես, դերասանին մեղադրել են իրենց հետապնդելու կամ սեռական ոտնձգությունների մեջ:

Դեպարդյեն հերքում է իր մեղքը: