Վալենտինի օրը Վիկտորյա Բեքհեմը կոտրել էր ոտքը մարզասրահում մարզվելիս, սակայն դա չի խանգարել նրան վերադառնալ մարզումներին, գրում է Daily Mail-ը։
Ֆիթնեսի սիրահար 48-ամյա Բեքհեմը Instagram-ում սելֆի է տեղադրել՝ կեցվածք ընդունելով սպորտային կրծկալով եւ լեգինսներով, իսկ ձեռքին ձեռնափայտ կա:
Նա գրել է. «Չեք կարող ինձ հեռու պահել մարզասրահից»:
Հարց է առաջանում, թե ինչպիսի մարզումներ կարող է անել Վիկտորիան, երբ ոտքը վնասված է. անկասկած, նա պետք է փորձեր հանգստանալ, բայց, հավանաբար, նա ցանկանում էր աշխատել իր մարմնի վերին հատվածների վրա:
Գրառումն արվել է Փարիզի Նորաձեւության շաբաթվանից հետո, երբ Դեւիդ Բեքհեմը Վիկտորյային օգնել էր հասնել շոուին:
Նախկին ֆուտբոլիստը նշել էր, որ «այնքան հպարտ է» իր կնոջով, որը թույլ չի տվել, որ վնասվածքը փչացնի իր կարեւոր օրը:
Նա գրել է. «Այնքան հպարտ եմ քեզնով բազմաթիվ պատճառներով, բայց այս շրջանում շատ բան եղավ, եւ դու նորից արեցիր այն, ինչ քեզ մոտ ամենալավն է ստացվում: Մենք սիրում ենք քեզ»: