Քեյթ Ուինսլեթը դեմ է Օզեմպիկի օգտագործմանհը՝ քաշի կորստի համար:
The New York Times Magazine-ին տված լայնածավալ հարցազրույցում, 48-ամյա դերասանուհին խոսել է ոչ միայն դեղահաբի նկատմամբ բացասական վերաբերմունքի, այլեւ տարիների ընթացքում իր քաշի վերաբերյալ հնչած տարաբնույթ կարծիքների մասին, որոնք, ըստ դերասանուհու, այժմ իրեն ոչ մի կերպ չեն հուզում։
«Ես իրականում չգիտեմ, թե ինչ է Օզեմպիկը»,-ասել է անգլիացի դերասանուհին, որին մեջբերում է People-ը,-«Ես միայն գիտեմ, որ դա ինչ-որ հաբ է, որը մարդիկ ընդունում են նաեւ քաշի կորստի համար, կամ նման մի բան»:
Հոլիվուդյան դերասանուհին հետաքրքրվել է, թե ինչ է իրենից ներկայացնում դեղամիջոցովը։ Հայտնաբերելուց հետո նա տպավորված չի եղել։
«Օ, Աստված իմ»,-ասել է Ուինսլեթը,-«Սարսափելի է հնչում»:
Հարցազրույցի ընթացքում Ուինսելթը վերհիշել է 1997 թվականին «Տիտանիկ» ֆիլմի նկարահանումները: Նա պատմել է, որ բրիտանական տաբլոիդները, պարբերաբար, անդրադառնում էին իր քաշին: Նշվում է նաեւ, որ հանգուցյալ Ջոան Ռիվերսը կատակում էր, թե Ուինսլեթն է խորտակել Տիտանիկը։
«Ես երբեք ոչ ոքի չեմ պատմել այդ մասին»,-ասել է դերասանուհին՝ անդրադառնալով սնման խանգարմանը, որին բախվել էր այդ ժամանակաշրջանում,-«Գուշակեք, թե ինչու․ որովհետեւ ձեզ շրջապատող մարդիկ ասում են. «Հեյ, դու հիանալի տեսք ունես: Դու նիհարել ես»։ Այսինքն, նույնիսկ գեղեցիկ տեսքի մասին հաճոյախոսությունները կապված են քաշի հետ: Ես մարդկանց թույլ չեմ տալիս այդ թեմայով խոսել։ Եթե փորձեն, անմիջապես բոլորին տեղը կդնեմ»,-եզրափակել է Ուինսլեթը։
Լուսանկարը՝ Variety via Getty Images