Նատալի Փորթմանը եւ Բենջամին Միլեպիեդը բաժանումից մոտ մեկ տարի անց ավարտել են ամուսնալուծության գործընթացը

Նատալի Փորթմանը ութ ամիս առաջ ամուսնալուծության հայց էր ներկայացրել իր ռեժիսոր ամուսնուց՝ Բենջամին Միլփիեդից, եւ այժմ նախկին ամուսինները պաշտոնապես ամուսնալուծված են, հաստատում է People-ը:

42-ամյա դերասանուհին ամուսնալուծության էր դիմել անցյալ տարի՝ հուլիսին, իսկ գործընթացն ավարտվել է անցյալ ամիս Ֆրանսիայում, որտեղ Փորթմանը եւ 46-ամյա Միլեպիեդն ապրում են իրենց երեխաների՝ 12-ամյա որդու՝ Ալեֆի եւ 7-ամյա դստեր՝ Ամալիայի հետ:

Փորթմանի ներկայացուցիչը լուրը հաստատել է People-ի հետ զրույցում:

Փորթմանի համար հեշտ չի եղել բաժանումը, հատկապես, երբ այն բուռն քննարկվում էր մեդիայում:

«Նրա համար սկզբում շատ դժվար էր, բայց ընկերները հավաքվեցին նրա շուրջը եւ օգնեցին հաղթահարել այդ փուլը»,-նշել է զույգի ընկերը:

«Նատալին դուրս է գալիս ծանր եւ ցավոտ տարվա բեռից, եւ նա իր ուրախություն գտնում է իր ընտանիքի, ընկերների եւ աշխատանքի մեջ»:

Լուսանկարը՝ Axelle/Bauer-Griffin/Filmmagic