Հիփ հոփն ու հայկականը կմիաձուլվեն Փարաջանովի 100-ամյակին նվիրված «Նռան գույնը» պարային ներկայացման մեջ
16:25 14 մարտի, 2024Ա․ Սպենդիարյանի անվան Օպերայի եւ Բալետի ազգային ակադեմիական թատրոնում միաձուլվելու եւ երկխոսելու են մշակույթները. մարտի 15-ին եւ 16-ին կկայանա «Նռան գույնը» հայ-ֆրանսիական պարային ներկայացումը՝ նվիրված Սերգեյ Փարաջանովի 100-ամյակին։
Ներկայացման պարուսույցը եւ գեղարվեստական ղեկավարը Մուրադ Մերզուկին է։ Ներառված են ինչպես հայ, այնպես էլ օտարազգի պրոֆեսիոնալ պարողներ: Նախագծի հեղինակը Սաթէ Խաչատրյանն է:
Նպատակ ունենալով երկխոսություն ստեղծել տարբեր մշակույթների եւ արվեստի տարբեր ճյուղերի միջեւ՝ այս ներկայացումը համատեղում է հիփ-հոփը հայկական ավանդական պարի, իսկ հայկական ավանդական երաժշտությունը՝ էլեկտրո երաժշտության հետ՝ փորձելով բեմից հանդիսատեսին փոխանցել Սերգեյ Փարաջանովի արվեստի ողջ պոեզիան։
Նախագծի իրականացմանն աջակցել են ՀՀ կրթության, գիտության, մշակույթի և սպորտի նախարարությունը, Հայաստանում Ֆրանսիայի դեսպանությունը եվ Հայաստանում ֆրանսիական ինստիտուտ
Հայկական Բարեգործական Ընդհանուր Միության ֆրանսիական մասնաճյուղը /ՀԲԸՄ/։ Մանրամասները՝ տեսանյութում: