Հայտնի մաֆիոզները՝ տանը

«Mob wife aesthetics»-ը վերածվել է նորաձեւության մոլուցքային միտումի, եւ պարզ է, որ մաֆիոզների կյանքի հանդեպ լայն մշակութային հետաքրքրությունը, կարծես, չի մարում:

Ամերիկյան կինոյի լեգենդ Մարտին Սկորսեզեն գանգստերական աշխարհը գլոբալ առումով հայտնի դարձրեց՝ ձեւավորելով ժանրը այնպիսի ֆիլմերով, ինչպիսիք են «Լավ տղաներ»-ը եւ «Նյու Յորքի բանդաներ»-ը:

Նոր աշխատանքները, ինչպիսիք են Սոֆյա Վերգարայի մասնակցությամբ «Գրիզելդան», ապացուցում են, որ մաֆիայի մշակույթի հակահերոսների եւ ղեկավարների նկատմամբ հետաքրքրությունը շարունակվում է: Architectural Digest պորտալն առաջարկում է ծանոթանալ հայտնի մաֆիոզներին իրենց տնային միջավայրում՝ հրապարակելով համապատասխան լուսանկարներ:

Ալ Կապոնե

Ալ Կապոնեն ամենից հաճախ ասոցացվում է «Չոր օրենքի» ժամանակաշրջանի Չիկագոյի հետ, որտեղ նա համբավ ձեռք բերեց՝ զբաղվելով կողոպուտով, մարմնավաճառությամբ եւ խաղամոլությամբ, սակայն 1928 թվականին մաֆիայի ղեկավաը Իլինոյսի դաժան ձմեռները փոխարինեց Մայամի Բիչում գտնվող առանձնատան հետ:

Ըստ PBS-ի՝ տխրահռչակ գանգստերն իր Սանշայն-Սթեյթի հարեւաններին ասել էր, թե ինքը օգտագործված կահույքի վաճառող է:

Տեղի բնակիչներին, սակայն, չի համոզել նրա պնդումը (նա այդ ժամանակ արդեն բավականին հայտնի էր) եւ նրանք վախենում էին, որ նա կփչացներ տարածքի հեղինակությունը: Այնուամենայնիվ, նրա մահից տասնամյակներ անց՝ երբ 2021 թվականին հանգուցյալ ավազակի տունը պետք է քանդվեր, շատերն այլ երգ սկսեցին երգել: Mansion Global-ի տվյալներով, քանդումը դադարեցնելու առցանց խնդրագիրը ստացել է ավելի քան 25000 ստորագրություն։

«Մայամի-Բիչը վտանգում է կորցնել ոչ միայն տեղական պատմության, այլեւ ԱՄՆ-ի պատմության կարեւոր մասը, եթե քանդումը շարունակվի», - խնդրագրում գրել էին կազմակերպիչները՝ տունն անվանելով «խորհրդանշական կառույց» եւ նախազգուշացնելով «համայնքի վրա բացասական ազդեցության մասին»:

Ինչպես իր նախկին սեփականատերը, այնպես էլ 1922 թվականին կառուցված շենքը մռայլ ավարտ ունեցավ (չնայած հանրային բողոքներին). այն քանդվեց 2023 թվականի օգոստոսին:

Ֆրենկ Կոստելլո

«Հանցագործության վարչապետ» անունը ստացած Ֆրենկ Կոստելլոյի մեկ այլ կողմը բացահայտված է նրա եւ կնոջ՝ Լորետա Գեյգերմանի՝ Նյու Յորքի տանն արված լուսանկարներում, որոնց հեղինակը Էդնա Մյուրեյն է:

Կոստելլոն հետաքրքիր կալվածք ուներ Լոնգ Այլենդի Հյուսիսային ափին, ինչպես նաեւ՝ բնակարան՝ Ուեսթի Կենտրոնական այգում:

Կոստելոն ազատ է արձակվել բանտից 1961 թվականին՝ դատարանի նկատմամբ անհարգալից վերաբերմունքի համար երկրորդ պատիժը կրելուց հետո:

Տեղական ցուցահանդեսներին ծաղիկներ ուղարկելը Կոստելլոյի՝ վերջին տարիների ամենամեծ հոբբին էր:

Չարլզ «Հաջողակ» Լուչիանո

1946 թվականի փետրվարին Լուչիանոն արտաքսվեց իր հայրենիք՝ Իտալիա։ Նա Նյու Յորքում պատիժ էր կրում՝ կավատության համար: Նա իր ընկերուհու՝ բալետի պարուհի Իգեա Լիսոնիի հետ ապրում էր հարավային Իտալիայում:

Իր հանցագործությունների երկար ցուցակի պատճառով Լուչիանոն ուշադրությամբ վերահսկվում էր Իտալիայի պաշտոնյաների կողմից: Ըստ  օրենքի՝ նա պետք է  մի քանի տարի քներ տանը:

1962 թվականին նա մահացու սրտի կաթված ստացավ Նեապոլի միջազգային օդանավակայանում, որտեղ ծրագրում էր հանդիպել պրոդյուսերի հետ՝ քննարկելու իր կյանքի մասին ֆիլմը։

Ջեք «Սփոթ» Կոմեր

Անգլիացի գանգստերն իր կնոջ՝ Ռիտայի եւ երկու դուստրերի հետ ապրում էր Լոնդոնի Հայդ Պարկ առանձնատան բնակարանում:

1956 թվականին Կոմերի ու նրա կնոջ վրա հարձակվեց «Խելագար» Ֆրենկի Ֆրեյզերը։ Հետագա տարիներին Կոմերը թողեց իր հանցավոր կյանքը՝ ընտրելով ավելի անվտանգ ուղիներ, ներառյալ հնաոճ կահույքի առեւտուրը: