Քիմ Քարդաշյանն իր տարօրինակ հանդերձանքով շփոթեցրել է երկրպագուներին: Նա լուսանկարների շարք է հրապարակել Փարիզ կատարած իր վերջին այցից։ Շատերը գոհ չեն նրա հանդերձանքից, այդ թվում մի կերպարից, որը ոգեշնչված է 2000-ականների սկզբից:
Քիմն իր լուսանկարները մակագրել է «Paris Files»: Ենթադրաբար դրանք արվել են Փարիզի Նորաձեւության շաբաթվա ընթացքում։ Մեկում Քարադաշյանը կրում է Balenciaga-ի մի քանի կտոր, այդ թվում՝ ընձառյուծի պրինտով շապիկ, սեւ ժանյակավոր վերնահագուստ եւ մուգ մոխրագույն երկարաթեւ վերնաշապիկ: Նա հագել է սեւ ժանյակավոր գուլպաներ՝ մինչեւ ազդրը հասնող սպիտակ լեգինսների վրայից:
Նա բազմաշերտ տեսքն ամբողջացրել է Balenciaga-ի մեծ պայուսակով՝ բազմաթիվ հավելումներով, այդ թվում՝ շղթայով, որի վրա վառ տառերով գրված է «Kim»:
Երկրպագուները քննադատել են այս կերպարը։ «Քիմ, ի՞նչ ես արել այս բոլոր շապիկներով», «Սա ինձ 2006 թվականի միջնակարգ դպրոցի մթնոլորտ է հաղորդում»: Օգտատերերից մեկը նույնիսկ Քարդաշյանին անվանել է «ամենավատ հագնվող կին»։