Բրիթնի Սփիրսը նոր «հոգեւոր հարթության» է հասել ինտերվալային ծոմապահության շնորհիվ
12:04 17 մարտի, 2024Բրիթնի Սփիրսը թեւակոխել է նոր «հոգեւոր հարթություն», եւ այդ ամենը նրա վերջին սննդակարգի շնորհիվ է:
42-ամյա երգչուհին հայտարարել է, որ սկսել է ինտերվալային ծոմ պահել՝ Սթիվեն Հարրոդ Բուխների «Ծոմի փոխակերպող ուժը. հոգեւոր, ֆիզիկական եւ էմոցիոնալ երիտասարդացման ուղին» գիրքը կարդալուց հետո:
«Սկզբում, գուցե, թույլ զգաք մի քանի օր, բայց հետո դուք բնական հաճույք կստանաք արտազատվող տոքսիններից… Ես իրականում ինձ չափազանց փոքր եւ թույլ եմ զգում, որպեսզի նույնիսկ մտածեմ Instagram-ի համար նկարահանվելու մասին»,- գրել է նա,-«Բայց, անկեղծ ասած, ինձ դուր է գալիս այս հոգեւոր հարթությունը, որում գտնվում եմ…», - շարունակել է երգչուհին,-«Սա բարձրագույն աստիճանի մաքրում է, երբ ներթափանցում ես մարմնիդ ու մտքիդ մեջ, որպեսզի գտնես գիտակցությանդ լուսավոր վիճակը, ինչից քեզ շատ լավ ես զգում»:
Այս շաբաթվա սկզբին երգչուհին հրապարակել էր անկեղծ լուսանկարներ, որոնցում նա ամբողջովին մերկ կեցվածք էր ընդունել ծովափին:
