Մերիլին Մոնրոյի Pucci վարդագույն զգեստն աճուրդում վաճառվել է 325 հազար դոլարով
11:34 1 ապրիլի, 2024Մերիլին Մոնրոյի զգեստը եւ Playboy-ի հիմնադիր Հյու Հեֆների սմոքինգն ու հողաթափերը վաճառվել են աճուրդում։
Ըստ Hollywood Reporter-ի, Pucci-ի երկարաթեւ մետաքսե զգեստն աճուրդից հեռացել է 325,000 դոլարով:
Julien's Auctions աճուրդի կազմակերպչի տվյալներով՝ Լոս Անջելեսի Վեսթվուդ գյուղի Փիրս Եղբայրների հիշատակի այգու դամբարանը, որը գտնվում է Հյու Հեֆների եւ Մերիլին Մոնրոյի վերջին հանգրվանների մոտ, նույնպես վաճառվել է 195,000 դոլարով:
Դերասանուհու մահճակալը եւ այլ իրեր վաճառվել են Բեւերլի Հիլզից տեխնոլոգիական ներդրող Էնթոնի Ջաբինին: «Ես միշտ երազել եմ կյանքիս մնացած մասն անցկացնել Մերլին Մոնրոյի կողքին»,-ասում է Ջաբինը:
Ժան Լուիի կողմից ստեղծված կրեմագույն կոկտեյլային զգեստը, որը Մոնրոն կրել էր 1960 թվականի ամռանը՝ The Misfits-ի ասուլիսի ժամանակ, վաճառվել է 65,000 դոլարով:
Elizabeth Arden շրթներկը, որը Մոնրոյի պատվերով պատրաստվել էր ոսկե պատյանով, վաճառվել է 65000 դոլարով: Իսկ 1954 թվականին հատուկ Մոնրոյի համար պատրատված լողագեստների հավաքածուն, որոնք նա կրել է «Չկա շոու բիզնեսի նման բիզնես» մյուզիքլում, վաճառվել է 29250 դոլարով: