Քորթնի Քարդաշյանի նախկին ամուսինը պահանջել է, որ նա չհամբուրվի Թրեւիս Բարքերի հետ իրենց երեխաների ներկայությամբ

Քորթնի Քարդաշյանի նախկին ամուսինը՝ Սքոթ Դիսիկը, պահանջել է, որ նա դադարեցնի իր սերն ակտիվորեն արտահայտել իր այժմյան ամուսնու՝ Թրեւիս Բարքերի հանդեպ՝ իրենց երեխաների ներկայությամբ։

OK Magazine-ը, հղում անելով աղբյուրին, հայտնում է, որ Դիսիկը պահանջում է, որ Քորթնին ու Բարքերն իր երեխաների աչքի առաջ չհամբուրվեն։

«Սքոթը լրջորեն է վերաբերվում որպես հայր իր դերին եւ ցանկանում է լավագույնը իր երեխաների համար»,-ասել է աղբյուրը: «Վերջերս նա ավելի ու ավելի շատ հարցեր է առաջ քաշում, այդ թվում՝ խնդրելով Քորթնիին երեխաների ներկայությամբ զսպել Թրեւիսի հանդեպ իր զգացմունքները»:

Քորթնիին եւ Թրեւիսին հաճախ են «բռնացնում» կուլիսներում համբուրվելիս: Քարդաշյանի եւ Դիսիկի դստերը՝ Պենելոպային, նկատել են տարածքում, երբ Քորթնին եւ Թրեւիսը համբուրվում էին: Սա բազմաթիվ հակասություններ է առաջացրել, եւ այժմ, ըստ տեղեկությունների, Դիսիկը դրան վերջ է դրել:

Երեխաներն իրենք նույնպես հիացած չեն ամուսինների զգացմունքների բուռն արտահայտմամբ։ Ըստ People-ի, երբ Քարդաշյանն ու Բարքերը համբուրվել են «Քարդաշյաններ» ռեալիթի շոուի մի դրվագում, Պենելոպան խնդրել է մայրիկին դադարեցնել Բարքերի հետ համբուրվելը, իսկ վերջինի որդին՝ Լենդոնը, հավելել է. «Լսեք, դուք չե՞ք կարող չհամբուրվել ֆրանսիական ձեւով»:

Քորթնին ու Սքոթն ունեն երեք երեխա։