Դատելով վերջին շրջանում հայտնիների քարոզած թրենդից՝ այն ամենը, ինչ դուք պետք է ունենաք ձեր զգեստապահարանում, մի զույգ վարտիքն է: Դերասանուհի Ջուլիա Ֆոքսը, ով «Մոռացել եմ տաբատ հագնել» թրենդի ջատագովն է, այս անգամ՝ NBA-ի խաղին ներկայացել էր ներքնազգեստով եւ մանանեխի գույնի մազերով։
Ֆոքսն ընտրել էր օվալաձեւ պարանոցով շապիկ եւ կոնաձեւ կրծկալ, իսկ ներքեւի հատվածում՝ միայն կիսավարտիք, որի կենտրոնում կար մեծ կայծակաճարմանդ:
«Նյու Յորք Նիքս»-ի խաղի ճանապարհին՝ Սքուեր Գարդեն գնալիս Ֆոքսը ցուցադրել է իր վառ գանգուրները, որոնք նա անվանել է «թավշյա ոսկի»: Այս մազերով նա հիշեցնում էր Մերիլին Մոնրոյի խորհրդանշական սանրվածքը։ Նրա վարսահարդար Ջոն Նովոտնին People ամսագրին ասել է, որ կերպարը ոգեշնչվել է Մերիլին Մոնրոյից։
Ըստ հաղորդագրության, սահմանափակ քանակությամբ թողարկված այս մազի ներկը «ներշնչված է Velveeta-ի աներեւակայելի կրեմային դեղին երանգից»: