Ֆրանսիայի առաջին տիկին Բրիջիտ Մակրոնը կհայտնվի «Էմիլին Փարիզում» սերիալի դրվագներից մեկում
13:22 4 ապրիլի, 2024Ֆրանսիայի առաջին տիկին Բրիջիտ Մակրոնը կհայտնվի «Էմիլին Փարիզում» սերիալի դրվագներից մեկում։ Նա ֆիլմի նկարահանումների ժամանակ միացել է սերիալի աստղ Լիլի Քոլինսին, հայտնում է Daily Mail-ը։
35-ամյա Լիլիին, ով Netflix-ի հիթային սերիալում մարմնավորում է գլխավոր հերոսուհուն՝ Էմիլիին, լուսանկարել են շոուի չորրորդ սերիայի նկարահանումների ժամանակ, երբ VIP հյուրը նկատվել է նկարահանման հրապարակում:
Ավելի վաղ պարզվել էր, որ 70-ամյա Բրիջիտը սերիալի «մեծ երկրպագու» է։ Երկրպագուները կհիշեն նաեւ, որ նա հիշատակվել է առաջին եթերաշրջանում:
Առաջին սեզոնում շոուի երկրպագուները տեսան Էմիլիի կարիերայի աճը, երբ Բրիջիտը նրա գրառմամբ կիսվեց սոցիալական ցանցի իր էջում:
Բրիջիտի հայտնվելը նկարահանման հրապարակում տեղի ունեցավ այն բանից հետո, երբ Լիլին բացահայտեց, որ նա սերիալի մեծ երկրպագու է: 2022 թվականին The Late Show-ում՝ Սթիվեն Քոլբերտի հետ հարցազրույցի ժամանակ, դերասանուհին նշել էր, որ թեեւ ինքը չի ծանոթացել նախագահի հետ, սակայն ճանաչում է նրա կնոջը։