Մարգո Ռոբին եւ Օլիվիա Ուայլդը աշխատում են «Ավենգելին» կոմիքսների ադապտացիայի շուրջ

Մարգո Ռոբին եւ Օլիվիա Ուայլդը «X մարդիկ» ֆիլմի պրոդյուսեր Սայմոն Քինբերգի հետ միասին պատրաստվում են ադապտացնել «Դեդփուլի» համահեղինակ Ռոբ Լիֆելդի կողմից ստեղծված կոմիքսների հերոսներից մեկին: Խոսքը Avengelyne-ի (Ավենգելին) մասին է։

Հայտնի չէ, թե ով է լինելու Ավենգելինի դերում։ Կերպարը ներկայացնում է հերոսի պատմությունը՝ որպես հրեշտակի, ով պայքարում է չարի դեմ՝ դիմակայելով դեւերին ու հրեշներին: Լիֆելդը կերպարը ստեղծել է 1995 թվականին։

Սա Avengeline-ի պատմությունը մեծ էկրան բերելու առաջին փորձը չէ։ 2013-ին Ջինա Կարանոն ստացավ ադապտացիայի գլխավոր դերը, իսկ 2016-ին Paramount-ը գնեց այն տարբերակի իրավունքները, որը պետք է ստեղծեր Ակիվա Գոլդսմանը։