Ակնոցների Ray-Ban հայտնի ապրանքանիշը միավորվել է լեգենդար երաժիշտ եւ ոճի խորհրդանիշ Լեննի Կրավիցի հետ՝ տպավորիչ համագործակցության համար: Ray-Ban Reverse հավաքածուն մարմնավորում է անհնազանդության եւ անհատականության ոգին` առաջարկելով ակնոցների թարմ տեսք եւ դուրս գալով ավանդական դիզայնի սահմաններից:
Ray-Ban x Lenny Kravitz կուլտային հավաքածուում օգտագործված են էկոլոգիապես մաքուր նյութեր, այդ թվում՝ կենսանեյլոնե ոսպնյակներ եւ բիոացետատային շրջանակներ: Յուրօրինակ գույներով հավաքածուն առանձնահատուկ է դառնում Կրավիցի ստորագրության շնորհիվ, որը դաջված է բոլոր դետալների վրա:
Համագործակցության վառ նմուշ է ոսկե Aviator Reverse-ը, որը վաճառվում է 554 դոլարով: Այն թողարկվել է ընդամեը 1000 օրինակով: