Ի պատիվ իր խորհրդանշական V10 շարժիչով սուպերսպորտային մեքենայի՝ Lamborghini-ն ներկայացրել է Huracán STJ «The Last Dance»-ը՝ հրաժեշտի թողարկում, որը սահմանափակված է ընդամենը տասը օրինակով:
Այս բացառիկ թողարկումը նշանավորում է V10 շարժիչի դարաշրջանի ավարտը՝ Lamborghini-ի ինժեներական գերազանցության նշանի, որը 2014 թվականի դեբյուտից ի վեր նպաստել է Huracán ընտանիքի հաջողությանը:
STJ տարբերակը նոր բարձունքների է հասցնում Huracán-ի մրցարշավային ժառանգությունը:
Huracán STJ-ն ունի մասնագիտացված աերոդինամիկ փաթեթ, որը խնամքով մշակվել է Lamborghini Squadra Corse-ի տեխնիկների կողմից: Այս փոփոխությունները օգնում են բարելավել մեքենայի հավասարակշռությունը եւ արդյունավետությունը, ինչը, հատկապես, նկատելի կլինի դրա վարորդների համար:
Կափարիչի տակ STJ-ը պահպանում է STO-ի հսկայական 640 ձիաուժ հզորությունը:
Lamborghini Centro Stile-ն առաջարկում է STJ-ն երկու վառ գույների կոնֆիգուրացիաներ: Պատվիրված դետալներով ինտերիերն արտացոլում է մեքենայի սպորտային բնավորությունը:
Թեեւ Huracán STJ «The Last Dance»-ը նշում է V10-ի դարաշրջանի ավարտը, այն նաեւ հիմք է ծառայում ավտոարտադրողի հաջորդ սերնդի սուպեր մեքենաների համար եւ առաջնահերթություն է տալիս հիբրիդային ուժային ագրեգատներին: