Ջոնի Դեփը ցանկանում է ձեռք բերել 4 միլիոն դոլար արժողությամբ միջնադարյան ամրոցը
14:13 17 ապրիլի, 2024Ջոնի Դեփը մտածում է ձեռք բերել Իտալիայի գյուղական հատվածում գտնվոց միջնադարյան ամրոցը՝ հույս ունենալով գնել այն 4 միլիոն դոլարով, գրում է New York Post-ը։
Մոնտալտո Դորայի ամրոցը Դեփին ցուցադրել է դերասան Ռիկարդո Սկամարսիոն, ով դերասանի առաջիկա ֆիլմում մարմնավորում է նկարիչ Ամեդեո Մոդիլիանիին։
22,000 քառակուսի ոտնաչափ տարածք ունեցող 15-րդ դարի ամրոցը, որն ունի 11 ննջասենյակ եւ մատուռ, վերջերս է վաճառքի հանվել վերականգնման երկարատեւ գործընթացից հետո:
Սակայն Մոնտալտո Դորայի քաղաքապետը մտահոգություն է հայտնել Դեփի կողմից այն գնելու վերաբերյալ: «Մոնտալտո Դորայի ամրոցի նման պատմական հուշարձանը գնող հայտնի անձը մեծ ուշադրություն կգրավի այդ տարածքի վրա, բայց մենք վստահ չենք, որ դա կլինի ճիշտ «տնտեսական սիներգիա» համայնքի համար»,-Post թերթին ասել է Ռենցո Գալետոն: