«Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)
10:05 18 ապրիլի, 2024Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը, որի շրջանակում պարգեւատրվեցին նախորդ երկու տարիների լավագույնները: Լավագույն խաղարկային ֆիլմ անվանակարգում մրցանակի արժանացավ ռեժիսոր Մայքլ Գուրջյանի եւ պրոդյուսեր Արման Նշանյանի «Ամերիկացին»: Ֆիլմում գլխավոր հերոսոհուն մարմնավորող Նարինե Գրիգորյանը տուն տարավ Լավագույն դերասանուհու մրցանակը: Լավագույն դերասանը «Յաշան ու Լեոնիդ Բրեժնեւը» ֆիլմի հերոսին մարմնավորող Մայիս Սարգսյանն է: Ֆիլմը, ռեժիսոր Էդգար Բաղդասարյանի գլխավորությամբ, մրցանակ տարավ նաեւ Լավագույն ռեժիսորական աշխատանք անվանակարգում:
Посмотреть эту публикацию в Instagram
Մրցանակների առումով առաջատարը «Յաշան ու Լեոնիդ Բրեժնեւը» ֆիլմն է, որը հաղթող ճանաչվեց 5 անվանակարգում, այնուհետեւ «Ամերիկացին»՝ ընդհանուր առմամբ 4 մրցանակով:
NEWS.am STYLE-ը ներկայացնում է բոլոր անվանակարգերն ու հաղթողներին:
Լավագույն կարճամետրաժ ֆիլմ
«250 կմ», ռեժիսոր՝ Հասմիկ Մովսիսյան
Լավագույն անիմացիոն ֆիլմ
«Թռչող տերեւների երգը», ռեժիսոր՝ Արմինե Անդա
Լավագույն վավերագրական ֆիլմ
«Արշալույսի լուսաբացը», ռեժիսոր՝ Իննա Սահակյան
Հատուկ մրցանակ՝ Հայկական կինոարվեստի զարգացման համար՝ Ռոբերտ Ամիրխանյանին
Լավագույն հնչունային ձեւավորում
Տիգրան Կուզիկյան, «Յաշան ու Լեոնիդ Բրեժնեւը»
Լավագույն նկարչական ձեւավորում
Ներսես Սեդրակյան, Ավետ Տոնոյանց՝ «Ամերիկացի»
Ֆիլմի լավագույն երաժշտություն
Անդրանիկ Բերբերյան՝ «Ամերիկացի»
Լավագույն օպերատորական աշխատանք
Սուրեն Թադեւոսյան՝ «Յաշան ու Լեոնիդ Բրեժնեւը»
Լավագույն սցենար
Էդգար Բաղդասարյան՝ «Յաշան ու Լեոնիդ Բրեժնեւը»
Կնոջ լավագույն դերակատարում
Նարինե Գրիգարյան, «Ամերիկացի»
Տղամարդու լավագույն դերակատարում
Մայիս Սարգսյան, «Յաշան ու Լեոնիդ Բրեժնեւը»
Լավագույն ռեժիսորական աշխատանք
Էդգար Բաղդասարյան, «Յաշան ու Լեոնիդ Բրեժնեւը»
Լավագույն խաղարկային ֆիլմ
«Ամերիկացի», պրոդյուսեր՝ Արման Նշանյան, ռեժիսոր՝ Մայքլ Գուրջյան
Հավելենք, որ մրցանակաբաշխությունն անցկացվում է 2 տարին մեկ անգամ: Նախորդ մրցանակաբաշխությունները տեղի էին ունեցել 2017, 2019 եւ 2022 թ-երին: «Անահիտ» մրցանակաբաշխությունը կազմակերպել էր «Շարմ» հոլդինգը՝ Երեւանի քաղաքապետարանի աջակցությամբ:
Սյունե Առաքելյան
Լուսանկարները՝ Արսեն Սարգսյանի