Աշխարհի ամենահարուստ մարդկանցից մեկը՝ Ջեֆ Բեզոսը, այս շաբաթավերջին Կալիֆորնիայի Ինդիո քաղաքում կայացած Coachella երաժշտական փառատոնի ժամանակ չի թաքցրել իր զգացմունքները իր հարսնացուի՝ Լորեն Սանչեսի նկատմամբ։
Սանչեսը կրում էր փայլուն զգեստ, որը համադրել էր ջինսե բաճկոնի եւ սեւ երկարաճիտ կոշիկների հետ։
Բեզոսն ավելի համեստ տեսք ուներ արեւային ակնոցով եւ կաշվե սեւ բաճկոնով: 60-ամյա Բեզոսին եւ 54-ամյա Սանչեսին նկատել են VIP տարածքում՝ Լանա Դել Ռեյը ելույթին սպասելիս:
Ավելի ուշ Սանչեսը Instagram-ում լուսանկար էր հրապարակել, որում երեւում է, թե ինչպես է փորձում դիսկո ոճի իր փայլուն զգեստը:
Փառատոնին մասնակցել են բազմաթիվ այլ հայտնիներ, այդ թվում՝ Քենդալ Ջենները, Բիլի Այլիշը, Ջասթին եւ Հեյլի Բիբերները։ Այս տարվա փառատոնը գլխավորում էին Լանա Դել Ռեյը, Tyler, the Creator-ը, Doja Cat-ը եւ Գվեն Ստեֆանիի No Doubt խումբը:
Սա առաջին դեպքը չէ, երբ Բեզոսն ու Սանչեսը մասնակցում են փառատոնին։ Զույգին տեսել են նաեւ անցյալ տարվա միջոցառմանը: