Bodega-ն եւ Heineken-ը՝ Human Mobile Devices (HMD) ընկերության հետ համատեղ, ներկայացրել են Boring Phone-ը («Ձանձրալի հեռախոս»): Այն չի առաջարկում մուտք դեպի ինտերնետ, սոցիալական լրատվամիջոցներ կամ ընդհանրապես որեւէ հավելված, գրում է Hypebeast-ը։
«Ձանձրալի հեռախոսը», որը նախագծված է, հատկապես գիշերային ժամերին անջատելը հեշտացնելու համար, նախատեսված է բացառապես զանգեր եւ տեքստային հաղորդագրություններ ուղարկելու ու ստանալու նպատակով:
Հեռախոսի հոլոգրաֆիկ դիզայնը համատեղում է ֆուտուրիստական եւ ռետրո դիզայնի տարրերը:
Այն ոչ միայն տեխնոլոգիապես ի վիճակի չէ գործարկել որեւէ արտաքին հավելված, այլեւ ունի մեկ շաբաթ «սպասման ռեժիմ» եւ մինչեւ 20 ժամ խոսելու ժամանակ: