Քիմ Քարդաշյանը կդառնա Netflix-ի «Կալաբասաս» սերիալի պրոդյուսերը
11:02 21 ապրիլի, 2024Netflix-ը սկսել է մշակել «Կալաբասաս»/Calabasas սերիալը, որի գործադիր պրոդյուսերներից կլինի նաեւ Քիմ Քարդաշյանը՝ միանալով «Ամերիկյան սարսափ պատմության» իր գործընկեր Էմմա Ռոբերթսին, «Pretty Little Liars»-ի հեղինակ Ի. Մառլեն Քինգին եւ Ալեքսանդրա Միլչանին:
Ըստ Deadline-ի, Calabasas-ը հիմնված է Վիա Բլեյդների «Եթե դուք ապրեիք այստեղ, դուք հիմա հայտնի կլինեիք» գրքի վրա, իսկ Քինգը պատրաստվում է գրել ադապտացիան եւ հանդես գալ որպես շոուի ղեկավար:
Պատմությունը Միջին Արեւելքից 16-ամյա կաթոլիկ աշակերտուհու մասին է, ում աշխարհը տակնուվրա է լինում, երբ նրա ընտանիքը տեղափոխվում է, եւ նա հայտնվում է Կալաբասասի դպրոցում, որտեղ ոչինչ այնպես չէ, ինչպես թվում է, եւ որտեղ բոլորը փորձում են ուրիշ մարդ ներկայանալ: Սա այն վայրն է, որտեղ երազանքներն իրականանում են... բայց ոչ առանց բարդությունների, եւ երբեմն անկանխատեսելի հետեւանքներ ունենում։
Քարդաշյանը եւ նրա ընտանիքը Կալաբասաս քաղաքը հայտնի են դարձրել ամբողջ աշխարհում, ուստի նրա ներգրավվածությունը մեծ հետաքրքրություն է ավելացրել: