Վիկտորյա Բեքհեմը ոճային ձեւով է նշել իր 50-ամյակը
16:16 21 ապրիլի, 2024Վիկտորյա Բեքհեմը ոճային ձեւով է նշել իր 50-ամյակը. Դեւիդ Բեքհեմի կինը Լոնդոնի Մեյֆեր թաղամասի Oswald's շքեղ մասնավոր ակումբում հայտնվել է մինչեւ հատակը հասնող կիսաթափանցիկ կանաչ զգեստով։
Նա նվազագույնի էր հասցրել աքսեսուարները՝ թույլ տալով, որ զգեստն ինքնուրույն «խոսեր»: Վիկտորյան հրաժարվել էր վզնոցից՝ այն փոխարինելով ադամանդե ապարանջաններով:
Աստղի տարեդարձին մասնակցել է մոտ 100 հյուր, այդ թվում՝ Թոմ Քրուզը, Եվա Լոնգորիան, Գորդոն Ռեմզին, ինչպես նաեւ՝ «Spice Girls» խմբի նրա բոլոր նախկին գործընկերները՝ Էմմա Բանթոնը, Գերի Հորները, Մել Սին եւ Մել Բին։
Բեքհեմները չեն խնայել հյուրասիրությունների վրա, հյուրերին մատուցելով Վիկտորյայի սիրելի գինին՝ 3000 ֆունտ արժողությամբ Chateau Mouton Rothschild-ը, ինչպես նաե 500 ֆունտ արժողությամբ շամպայն:
Ֆուտբոլի լեգենդ Դեւիդը սեւ սմոքինգ էր ընտրել, որով հմայիչ տեսք ուներ՝ այն համադրելով համապատասխան «թիթեռնիկով» եւ սպիտակ վերնաշապիկով:
Նա կնոջ տարեդարձին ժամանել է իրենց 12-ամյա դստեր՝ Հարփերի եւ որդիների՝ Ռոմեոյի, Բրուքլինի եւ Քրուզի հետ։
