LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի
21:31 25 ապրիլի, 2024LVMH ձեռքի պայուսակների եւ օծանելիքների համաշխարհային վաճառքը գերազանցել է ֆրանսիական գյուղատնտեսության ոլորտում գինու վաճառքին, գրում է Financial Times-ը՝ վկայակոչելով Asterès խորհրդատվական ընկերության զեկույցը։
Շքեղ ապրանքների հսկան, որի վերահսկողության տակ են գտնվում նաեւ ոլորտի այնպիսի առաջատար ապրանքանիշեր, ինչպիսիք են՝ Louis Vuitton-ը, Dior-ը, Celine-ը և LOEWE-ն, 2023 թվականին կազմել է Ֆրանսիայի արտահանման 4%-ը, մինչդեռ կամամբերի եւ գինու միջազգային վաճառքը կազմել է ընդամենը 3,2%: Քանի որ շքեղության ոլորտը շարունակում է կենսական նշանակություն ունենալ Ֆրանսիայի տնտեսության համար, միայն LVMH-ն տարվա ընթացքում արտահանել է 23,5 միլիարդ եվրոյի դիզայներական ապրանքներ:
Անցյալ շաբաթ ընկերությունն ասաց, որ Ասիային բաժին է ընկնում այդ վաճառքների 40%-ից մի քիչ պակաս, իսկ ԱՄՆ-ին բաժին է ընկնում 25%-ը: Ֆրանսիային բաժին է ընկնում LVMH-ի համաշխարհային վաճառքի 10%-ից պակասը, ասվում է զեկույցում:
LVMH-ը հույս ունի շարունակել իր բարգավաճ ներդրումը Ֆրանսիայի տնտեսության մեջ, քանի որ ընկերությունը փոխում է իր գործադիր ղեկավարությանը: Անցյալ շաբաթ LVMH-ի գործադիր տնօրեն Բեռնար Առնոն իր երկու որդիներին՝ 29-ամյա Ֆրեդերիկին եւ 31-ամյա Ալեքսանդրին, ներառեց կոնգլոմերատի տնօրենների խորհրդում: Առնոյի հինգ երեխաներից չորսը ներկայումս աշխատում են տնօրենների խորհրդում: