Ջուլիա Ֆոքսը ավելի քան երկու տարի է՝ հրաժարվել է սեռական կյանքից

Մոդել եւ դերասանուհի Ջուլիա Ֆոքսը ավելի քան երկու տարի է՝ հրաժարվել է սեռական կյանքից: Դերասանուհին սոցիալական ցանցերում անկեղծորեն պատմել է  իր երկարամյա ճանապարհորդության մասին․

«2,5 տարի՝ առանց սեռական հարաբերությունների, եւ, անկեղծ ասած, երբեք ավելի լավ չի եղել»,-գրել է նա TikTok-ի տեսանյութի մեկնաբանությունների բաժնում։

Նրա արձագանքը երկրպագուներին խելագարության մեջ է գցել․ «Ես երբեք չեմ ճանաչել Ջուլիային, բայց մենք, փաստորեն, այսքան ընդհանուր բան ունենք»։

«Թագուհու վարքագիծ», «Ջուլիա, դու իմ հերոսն ես», «Ես ինքս ամուրի եմ 20 տարի եւ ամեն տարի ավելի եմ լավանում»,-գրված է նրա մեկնաբանության ներքո:

Ֆոքսի անձնական կյանքը հաճախ է հայտնվել մամուլում, հատկապես նրա վերջին գլխապտույտ սիրավեպը՝ Քանյե Ուեսթի հետ:

Ենթադրվում է, որ նա 46-ամյա ռեփերի հետ հանդիպել է մոտ վեց շաբաթ՝ 2022 թվականի սկզբին, երբ վերջինն ամուսնալուծվում էր իր նախկին կնոջից՝ 43-ամյա Քիմ Քարդաշյանից:

Ավելի ուշ մոդելը պատմել է իրենց կարճ հարաբերությունների մասին՝ խոստովանելով, որ իրենք երբեք սեռական հարաբերություն չեն ունեցել։