Jacob & Co.-ն ներկայացնում է «Ring of Fire» հազվագյուտ ժամացույցը

Jacob & Co.-ն ներկայացրել է նոր՝ ծայրահեղ հազվագյուտ ժամացույց՝ որպես իր Astronomia Art հավաքածուի մաս՝ «Ring of Fire»-ը: Ընդամենը չորս օրինակով սահմանափակված այս հատուկ ժամացույցը հիշատակում է ծանր քաշային կարգում աշխարհի չեմպիոն Թայսոն Ֆյուրիի եւ Օլեքսանդր Ուսիկի մենամարտը:

Որպես երախտագիտություն՝ Ֆյուրին եւ Ուսիկը կստանան մեկական մոդել՝ խորհրդանշելու իրենց դերը 21-րդ դարի ծանր քաշային կարգի առաջին անվիճելի մենամարտում: Այնուամենայնիվ, չորս նմուշներից մեկն այս շաբաթ հասանելի կլինի Sotheby's-ի աճուրդում, իսկ դրա վաճառքի ողջ հասույթը կտրամադրվի Make-A-Wish միջազգային հիմնադրամին:

Посмотреть эту публикацию в Instagram

Публикация от JACOB & CO. (@jacobandco)

Ժամացույցի արժեքը մոտավորապես 650,000 դոլար է։ Վարդագույն ոսկուց պատրաստված Astronomia Art «Ring of Fire» ժամացույցը նուրբ վարպետության արվեստ է: Ժամացույցի վրա պատկերված են Ֆյուրիի եւ Ուսիկի արձանիկները, որոնք տեսանելի են բոլոր կողմերից, ինչպես նաեւ՝ բռնցքամարտի փոքրիկ ձեռնոցներ՝ ստորագրված մարտիկների կողմից: Յուրահատուկ կանաչ թվացույցի դիզայնը նաեւ հարգանքի տուրք է մատուցում Բռնցքամարտի համաշխարհային խորհրդին (WBC)՝ հիշեցնելով չեմպիոնական գոտին, որը լրացվում է ալիգատորի կաշվից կանաչ թեւկապով: