Ազնավուրի ճանապարհորդությունը ժամանակի եւ երաժշտության միջով՝ Կամերային թատրոնի նոր համերգ-ներկայացման մեջ (ֆոտո)
19:27 31 մայիսի, 2024Երեւանի Կամերային պետական թատրոնում մայիսի 28-ին պրեմիերա էր: Թատրոնի «Fe-ակումբում» (Փոքր դահլիճ) տեղի ունեցավ «ԱԶՆԱՎՈՒՐ. Ճանապարհորդություն ժամանակի եւ երաժշտության միջով» համերգ-ներկայացումը՝ նվիրված Շառլ Ազնավուրի 100-ամյա հոբելյանին:
Ներկայացումը ստեղծվել է ըստ Ազնավուրի հուշագրությունների: Բեմադրիչ՝ Դավիթ Աբրահամյան: Դերերերում հանդես են գալիս Ներսես Մարկոսյանը, Լաուրա Բաբայանը, Դավիթ Աբրահամյանը, որոնք նաեւ կատարում են երաժշտական համարները։
Ներկայացումը պատմում է Ազնավուրի՝ երազանքին հասնելու բարդ ճանապարհի, ընկնելու եւ ոտքի կանգնելու, խիզախելու եւ հաջողելու մասին: Մտերմիկ երեկոյի ընթացքում հանդիդատեսը վայելեց լեգենդար հայի երգերն ու ծանոթացավ նրա կյանքի ամենահիշարժան եւ նշանակալից դրվագների հետ:
Ներկայացումը թատրոնում նախատեսված է նաեւ հունիսի 4, 9, 28-ին, ժամը՝ 21:00-ին։