Ուսումնասիրություն. Կանայք դժգոհ են իրենց սեռական կյանքից

Flo Health հավելվածը թողարկել է Unlock Your Orgasm/Բաց թող քո օրգազմը/ ծրագիրը: Ըստ Flo-ի վերջին հետազոտության, որին մասնակցել են 18-ից 55 տարեկան 1500 կանայք, «կեսից ավելին (58%) դժվարացել է նշել, թե լիովին գոհ է իր օրգազմի որակից, իսկ 62%-ը դժգոհ է օրգազմի հաճախականությունից։ Ինչպես նշում է Առողջապահության համաշխարհային կազմակերպությունը, «դրական սեռական առողջությունը կարեւոր է կնոջ ընդհանուր բարեկեցության համար»։ Այնուամենայնիվ, ամոթը եւ համապատասխան սեռական կրթության բացակայությունը սահմանափակում են կանանց առողջապահական խնամքի հասանելիությունը՝ վնասակար ազդեցություն ունենալով նրանց առողջության վրա:

Flo-ի բժշկական փորձագետ, հավաստագրված սեքս-թերապեւտ եւ Unlock Your Orgasm ծրագրի համահեղինակ Քեյսի Թաները նշում է, որ ծրագիրը ներկայացնում է սեռական դաստիարակության պարադիգմային փոփոխություն: «Անհատականացված աջակցություն եւ ռեսուրսներ առաջարկելով՝ մենք օգտագործում ենք այն գործիքները, որոնք նախկինում օգտագործվում էին «լավ սեռական կյանքը» չափելու համար, եւ դրանք փոխարինում ենք սեքսուալությանը համապատասխանեցնելու անհատական ​​եղանակներով: Մենք ամբողջ աշխարհի կանանց հնարավորություն ենք տալիս առաջնահերթություն տալ իրենց սեռական բարեկեցությանը»:

Ահա սեռական առողջության այն հինգ ոլորտները, որոնց հետ, ըստ Flo-ի հետազոտության, կանայք պայքարում են.

Օրգազմներ. կեսից ավելին (58%) չի կարողացել ասել, որ լիովին գոհ է իր օրգազմի որակից, իսկ 62%-ը խոստովանել է, որ լիովին բավարարված չէ դրա հաճախականությամբ:

Ամոթ եւ զսպվածություն. չորս կանանցից մեկը (24%) սեքսը համարում է ամոթալի:

Լիբիդո. 46%-ը ցանկանում է ավելին իմանալ այն մասին, թե ինչն է իրենց գրգռում:

Հաղորդակցություն. Կանանց մեկ երրորդը (33%) ցանկանում է ավելի շատ պատմել զուգընկերոջը իրենց ուզածի մասին:

Ինքնաբավարարում. 10 կանանցից 7-ը (70%) ասում է, որ սիրում է ձեռնաշարժությամբ զբաղվել, բայց 17%-ը երբեք ժամանակ չի տրամադրում դրան: