Շոտլանդիայի թագուհի Մարիան՝ Dior Cruise 2025 շոուի ոգեշնչման աղբյուր
21:22 4 հունիսի, 2024Յուրաքանչյուր սեզոն Մարիա Գրացիա Կյուրիին գրավում են պատմության հայտնի կանայք եւ այն վայրերը, որտեղից նրանք գալիս են՝ Ֆրիդա Կալոյից, որի ստեղծագործական ակտիվությունը ոգեշնչում էր դարձել Մեխիկոյում կայացած Dior's Cruise 2024 շոուի համար, մինչեւ Մարլեն Դիտրիխը, ում նորարարական ոճը զգալի ազդեցություն է ունեցել Բրուքլինի Pre-Fall 2024 ցուցադրության ժամանա: Եվ այժմ Cruise 2025 հավաքածուն կենտրոնացած է մեկ այլ հայտնի կին գործչի՝ Շոտլանդիայի թագուհի Մերիի վրա:
Շոտլանդիայի Պերթշիր քաղաքում գտնվող Դրամոնդ դղյակի հիասքանչ ֆոնին եւ պարկապզուկների հուզիչ նոտաների ուղեկցությամբ Կյուրին ներկայացրեց մի հավաքածու, որը ոչ միայն ցուցադրում էր հանգուցյալ թագուհու ըմբոստ ոգին, այլեւ պատկերում երկրի խորդուբորդ լանդշաֆտների վայրի գեղեցկությունը՝ հարգանքի տուրք մատուցելով ավանդույթներին:
Կերպարները, որոնք լրացված էին չոկերներով, պայուսակներով եւ նույնիսկ Wellington կոշիկներով, պարունակում էին երկրի (երբեմն արյունալի) պատմության մասին հղումներ՝ ընդգծված տան ֆրանսիական արվեստով:
