Նորվեգական ֆյորդում կառուցվել է «սանդուղք դեպի դրախտ»
19:18 18 հունիսի, 2024Սուր զգացողություններ փնտրողները կարող են իրենց քաջությունն ու համարձակությունը փորձարկել «դեպի երկինք տանող աստիճանների վրա»։ Նոր «լողացող» սանդուղքը, որը կախված է նորվեգական ֆյորդի վրա, երկրի անզուգական բնական գեղեցկությունը գնահատելու ամենավերջին եւ, գուցե, ամենասարսափելի միջոցն է:
Գրեթե 40 մ երկարությամբ նոր Stigull սանդուղքը ձեզ կհասցնի 790 մ բարձրության վրա․ Նորվեգիայի հյուսիս-արեւմուտքում գտնվող Լոեն փոքրիկ քաղաքում այն հանդիսանում է ադրենալինի սիրահարների վերջին ժամանակների գրավչությունը:
«Մարդկանց մեծամասնության համար սա կարող է սարսափելի թվալ»,- CNN Travel-ին ասել է Løen Active-ի գործառնությունների մենեջեր Հելգե Բոեն: Լոենի մոտակայքից կախովի կամրջին դիտելիս թվում է, թե «մարդիկ լողում են օդում»:
Stigull սանդուղքը, որը գտնվում է 45 աստիճանի անկյան տակ, հասանելի է միայն լեռնագնացների համար, ովքեր արդեն մասամբ բարձրացել են via ferrata երթուղով դեպի Լոենում գտնվող Խովեն լեռան գագաթը: Սա նշանակում է, որ երբ սկսեք բարձրանալ աստիճաններով, արդեն բավականին բարձր կլինեք։
Բավականին սարսափելի է, բայց եթե կարողանաք հաղթահարել գլխապտույտ բարձունքները, Հելգե Բյոն խոստանում է, որ տեսարանները կապշեցնեն իրենց գեղեցկությամբ:
Եվ երբ հասնեք Խովեն լեռան գագաթին, կպարգեւատրվեք ոչ միայն հիասքանչ տեսարաններով, այլեւ ռեստորանով, որտեղ կարող եք ուտել որեւէ բան, այնուհետեւ ճոպանուղին ձեզ հետ կտանի հինգ րոպեից:
Գիդի ուղեկցությամբ բարձրանալը մեծահասակների համար կարժենա 1695 նորվեգական կրոն (մոտ 160 ԱՄՆ դոլար): 12 տարեկանից բարձր երեխաները նույնպես կարող են միանալ էքսկուրսիաներին՝ 1535 նորվեագական կրոնով (մոտ 145 ԱՄՆ դոլար):