Հայկական գինիները պարգեւատրվել են Decanter World Wine Awards 2024-ում
20:18 19 հունիսի, 2024Այս տարի Decanter World Wine Awards (DWWA) գինու հեղինակավոր միջազգային մրցույթը եւս մեկ անգամ ցուցադրեց աշխարհի տարբեր երկրների գինեգործների ակնառու ձեռքբերումները: Հայկական գինեգործարանները, մասնակցելով այս նշանակալից միջոցառմանը, հաստատեցին իրենց հմտությունն ու արտադրանքի որակը։
Մրցույթի արդյունքներով հայկական գինիները նվաճել են 4 արծաթե եւ 9 բրոնզե մեդալներ, ինչը վկայում է միջազգային ասպարեզում հայկական գինեգործության աճող հեղինակության եւ համաշխարհային մակարդակի գինիներ ստեղծելու տեղական արտադրողների ջանքերի մասին։ Հաղթող ճանաչվեցին Khachen Wines, Alexandrea Winery, Armenia Wine Company եւ Voskevaz գինեգործարանները։
Արծաթե մեդալակիրներ.
- Chardonnay Alexandrea Winery
- Takar Reserve Armenia Wine Factory
- Karasi Collection Areni Noir Voskevaz
- Reserve Red Voskevaz
Բրոնզե մեդալակիրներ.
- Areni Reserve Khachen
- White Cuve Alexandrea Winery
- Armenia Red Armenia Wine Company
- Armenia White Armenia Wine Company
- Takar Areni Armenia Wine Factory
- Tariri Reserve Armenia Wine Factory
- Tariri Karasum Armenia Wine Company
- Tariri Karasum Red
- Tariri Areni-Merlot-Cabarnet Sauvignon
Decanter 2024 մրցույթում նվաճած մեդալները եւս մեկ անգամ ընդգծում են այն փաստը, որ հայկական գինիների յուրահատկությունը բարձրացրել է արտադրության որակը, եւ դրանք դարձել են առանձնահատուկ ու ճանաչված՝ արդեն իսկ կայացած գինեգործական շրջանների մեջ։