Louis Vuitton-ի բարձրարժեք զարդերի վերջին հավաքածուն ներառում է 220 թանկարժեք գլուխգործոցներ
17:21 22 հունիսի, 2024Louis Vuitton-ի բարձրարժեք զարդերի վերջին հավաքածուն՝ «Awakened Hands, Awakened Minds»-ը, պարունակում է 220 թանկարժեք գլուխգործոցներ: Ֆրանչեսկա Ամֆիթեատրոֆի ստեղծած հավաքածուն ոգեշնչված է Ֆրանսիայի հարավի հմայքից:
Զարդերի այս հրաշալի հավաքածուն արտացոլում է 19-րդ դարի Ֆրանսիայի ռոմանտիզմը եւ ընդգծում տան նրբագեղությունն ու հազվագյուտ գոհարները:
Louis Vuitton-ը ուշադրության է հանձնում անթերի թանկարժեք քարեր՝ մոզամբիկական սուտակ, զամբիական զմրուխտ եւ շափյուղաներ՝ Քաշմիրից, Շրի Լանկայից եւ Մադագասկարից:
Շատերի ուշադրության կենտրոնում է 56,23 կարատանոց շլացուցիչ տաք վարդագույն ադամանդը, որը կոչվում է «Coeur de Paris» («Փարիզի սիրտը»): Այն պարփակված է մետաղյա վանդակի մեջ, որը նման է հայտնի Էյֆելյան աշտարակի դիզայնին եւ զարդարված է 26 LV Monogram Star կտրվածքով ադամանդներով:
LV-ի վարպետության եւ տեսլականի ամենավառ օրինակներից մեկը Splendeur վզնոցն է: Այս հոյակապ զարդը պատրաստելու համար պահանջվել է 30 ոսկերիչների աշխատանք։ Նրանք անխոնջ աշխատել են 2400 տարրերի վրա՝ դրա ստեղծման համար ծախսելով, ընդհանուր առմամբ, 3217 ժամ: