Կանայք հաճույք են ստանում «սեքսթինգից»

Կանայք հաճույք են ստանում «սեքսինգից», ասվում է նոր հետազոտության մեջ, որը հրապարակվել է «Sexes» ամսագրում:

Մեքսիկայի Գվադալահարայի համալսարանի գիտնականները վերլուծել են 20-ից 30 տարեկան 27 հետերոսեքսուալ կանանց ուղեղը, երբ նրանք կարդում են և՛ սեքսուալ բաց տեքստեր (SET) և՛ սեքսուալ բաց եւ ագրեսիվ տեքստեր (SETA): Նրանք պարզել են, որ նման տեքստերը արձագանքներ են առաջացնում ուղեղի նախաճակատային և ճակտային հատվածներում, որոնք պատասխանատու են զգացմունքների մշակման համար:

Նշվում է, որ կանայք պարզապես չեն ցանկանում դիտել մարդկանց սեքսով զբաղվելը, նրանք ցանկանում են հասկանալ, թե ինչպես են աճում սեռական շփման հետ կապված զգացմունքները, ինչը նրանց գրգռում և հուզում է։

«Գրականությունը տալիս է խորհուրդներ, որոնք ընդգծում են այն կարևոր հարաբերությունները, որոնք ձևավորվում են սեռական հարաբերությունների մասնակիցների միջև», - նշում է ուսումնասիրությունը: «Ի տարբերություն էրոտիկ տեսանյութերի, ընթերցանությունը թույլ է տալիս ավելացնել կամ հեռացնել տարրեր ձեր նախասիրությունների հիման վրա՝ ստեղծելով անհատականացված ֆանտազիա»:

Կանայք նույնպես հակված են ավելի քիչ տեսողական խթանման, քան տղամարդիկ: Սա համահունչ է այն փաստին, որ տղամարդիկ շատ ավելի հաճախ են դիտում պոռնո, մինչդեռ կանայք ավելի հաճախ են կարդում սիրավեպեր կամ լսում էրոտիկ աուդիո ձայնագրություններ:

Բայց ինչպիսի՞ սեքս-մեսիջներ են սիրում կանայք: Հետազոտությունը ցույց է տվել, որ թեև կանայք սիրում են ագրեսիվ հաղորդագրություններ, նրանք նախընտրում են կատաղի, բայց քաղցր հաղորդագրություններ:

«Երկու տեքստերն էլ դասակարգվել են որպես կանանց ընդհանուր ակտիվացման և սեռական գրգռման գեներատորներ», - եզրակացրել է ուսումնասիրությունը, բայց ագրեսիվ սեռական հաղորդագրությունները «հավանաբար առաջացնում են գրգռվածության և գերզգոնության վիճակ», քանի որ կանայք կարծես անտեսում են հաղորդագրության ագրեսիվ մասերը:

Պարզվել է, որ սեռական հաղորդագրությունները նաև ազատում են դոֆամին և օքսիտոցին, ինչը հաճույք է պատճառում սիրախաղից և սեռական ազդակներից:

«Սեքստինգը սեռական հզորացման գործողություն է, քանի որ այն սեռական հաղորդակցության մի մասն է», -  Daily Mail-ին ասել է Կալիֆորնիայի պետական համալսարանի ուսուցչուհի Տարա Սուվինյաթիչայփորնը:

«Երբ դուք զբաղվում եք առողջ սեռական հաղորդակցությամբ, դուք ձեզ թույլ եք տալիս արտահայտել ձեր սեռական էությունը, և դա հիանալի է ձեր սեռական ինքնագնահատականի համար»,-ասել է նա: