Թոմ Քրուզը ևս մեկ երեխա է ուզում և դրա համար «ճիշտ կնոջ» է փնտրում
10:23 30 հուլիսի, 2024Թոմ Քրուզը ևս մեկ երեխա է ուզում. Գաղտնիք չէ, որ դերասանը հաճույք է ստանում Մեծ Բրիտանիայում ապրելուց, և ինսայդերները պնդում են, որ նա ցանկանում է մշտական արմատներ գցել այնտեղ և երեխա ունենալ։
«Կարելի է մտածել, որ նա գոհ է նրանով, ինչ ունի իր կյանքի այս պահին», - ասել է ինսայդերը պարբերականին: «Բայց նա իրականում ցանկանում է գտնել մեկին, ում հետ ևս մեկ երեխա կունենա»:
Ըստ ինսայդերների՝ նա պարզապես ցանկանում է գտնել «ճիշտ կնոջ», ով կծննդաբերի իր երեխային, և հենց այդ մեծ ցանկությունն էր՝ ունենալ ևս մեկ երեխա, որ առաջացրեց նրա և իր նախկին Էլսինա Խայրովայի միջև տարաձայնությունը:
«Մեծ Բրիտանիայում երեխա ունենալը հիանալի միջոց կլինի իր արմատներն այնտեղ ամրացնելու համար», - ավելացրել է ինսայդերը: «Սա պատճառներից մեկն էր, որ Էլսինայի հետ նրա հարաբերություններն այդքան ակտիվ զարգացան, նա ցանկանում էր ամուսնանալ նրա հետ և անմիջապես երեխա ունենալ»:
Քրուզին և Խայրովային նկատել են «գրկախառնվելիս» 2023 թվականի վերջին Լոնդոնի Մեյֆեր թաղամասում երեկույթի ժամանակ, սակայն նրանց հարաբերություններն ավարտվել էին մինչև 2024 թվականի փետրվարը:
«Ցավոք, նրա հետ ամեն ինչ չստացվեց, բայց դա դեռևս նրա ծրագրի մի մասն է, Քրուզն ուզում է ևս մեկ երեխա, նա հավատարիմ է դրան», - ասել է աղբյուրը: