Հայտնիները խուսափել են Մեգան Մարքլի հետ լուսանկարվելուց Հեմփթոնում կայացած կանանց բիզնես ֆորումի ժամանակ

Հայտնիները խուսափել են լուսանկարվել Մեգան Մարքլի հետ անցած շաբաթավերջին Հեմփթոնսում կայացած կանանց բիզնեսի գագաթնաժողովին։

G9 Ventures-ի ամառային գագաթնաժողովում Սասեքսի դքսուհին լուսանկարվել է նորաձեւության դիզայներ Միշա Նոնուի եւ դիմահարդարման մագնատ Բոբի Բրաունի հետ: Այնուամենայնիվ, նկատելի է Մարքլի լուսանկարների բացակայությունը միջոցառումների մասնակիցներ Գվինեթ Փելթրոուի, Ռիզ Ուիզերսփունի կամ Դայան Սոյերի հետ, հաղորդում է NewsNation-ը։ «Նրանք գիտեն, որ եթե լուսանկարվում են [Մեգանի] հետ, դա լուռ հավանություն է, որը նա կարող է օգտագործել ինքն իրեն գովազդելու համար»,-ասել է ինսայդերը հրապարակմանը:

Աղբյուրներն ավելի վաղ Page Six-ին հայտնել էին, որ Մարքլը ձեռնարկատեր Ջեյմի Քերն Լիմայի հետ Սանտա Բարբարայից մեկնել է մեկօրյա գագաթնաժողովի։ Այնտեղ նա ցանկանում էր կապ հաստատել կին ձեռներեցների հետ եւ ստանալ որոշ խորհուրդներ՝ նախքան իր ապրանքանիշը՝ American Riviera Orchard-ը պաշտոնապես սկսելը: