Նկարիչը թռուցիկներ է փակցրել Նյու Յորքում, Իբիցայում, Ցյուրիխում եւ Վիեննայում՝ «իդեալական կնոջ» որոնման նպատակով

Նկարիչ Մարսին Գլոդը թռուցիկներ է տեղադրել Նյու Յորքում, ինչպես նաեւ Իբիցայում, Ցյուրիխում եւ Վիեննայում՝ փնտրելով իր «իդեալական կնոջը»:

Թռուցիկներում ներկայացված են 30-ամյա նկարչի լուսանկարներով, եւ նա արդեն ապշեցուցիչ՝ 5000 պատասխան է ստացել ամբողջ աշխարհի կանանց կողմից, որոնցից՝ 400-ը միայն Նյու Յորքից են: «Ես իսկապես աղջիկ եմ փնտրում, սա կատակ չէ: Ես հոգնել եմ մենակ մնալուց եւ ցանկանում եմ համապատասխան զուգընկեր գտնել»,- ասվում է թռուցիկում: «Ես շատ եմ աշխատում եւ ճանապարհորդում, այնպես որ ինձ համար հեշտ չէ ժամադրվելը: Աղջիկների հետ ծանոթանալն այնքան էլ հեշտ չէ»,-Նյու Յորքի NYP-ի լրագրողի հետ զրույցում խոստովանել է Գլոդը:

Չնայած հազարավոր երկրպագուներին՝ Լեհաստանում ծնված, Ավստրիայում բնակվող արտիստն իր քարոզարշավը սկսելուց ի վեր մոտ երեք ամսվա ընթացքում ընդամենը երեք ժամադրության է մասնակցել:

«Բոլոր ժամադրությունները շատ հետաքրքիր էին եւ հանգիստ... Ես աղջիկներին խնդրեցի ինձ ցույց տալ գեղեցիկ վայրեր իրենց քաղաքներում, եւ դա նման էր մասնավոր շրջագայության: Նրանք բոլորն էլ շատ զվարճալի ու լավն էին»,- հիշում է նա:

Գլոդին ամենից շատ գոհացրել է Բեռլինում կայացած հանդիպումը։ «Ինձ համար նրա էներգիան բավականին հետաքրքիր եւ հուզիչ էր, հատկապես այն պատճառով, որ մենք երկուսս էլ աշխատում ենք ստեղծագործական ոլորտում»,-ասում է նա, բայց նշում, որ իրենց միջեւ կրակ չի եղել, եւ իրենք չեն պատրաստվում կրկին տեսնել միմյանց:

Թռուցիկները ունեն QR կոդ, որը հետաքրքրվածներին ուղղորդում է վեբ էջ՝ հրավիրելով նրանց «դիմել ժամադրության»: Հավելվածը նրանց հարցնում է, թե ինչ է իրենց անունը, որ քաղաքում են ապրում, քանի տարեկան են, ինչով են զբաղվում և ինչպիսի առաջին ժամադրություն կցանկանային:

Լրագրողի հետ մեկ ժամ տեւած հանդիպման ժամանակ Գլոդը բացել է բոլոր փակագծերը։ Նա բացատրել է, որ մեկ տարի է, ինչ մենակ է ապրում՝ Ավստրիայից մի կանաչաչյա թխահերի հետ երկամյա հարաբերությունների ավարտից հետո, մասամբ այն պատճառով, որ այն ժամանակ «դա չափազանց լուրջ էր» իր համար:

«Ես կարծում էի, որ [թռուցիկները] զվարճալի միջոց կլինեն աղջիկ գտնելու համար... Եվ դա կարող է նաեւ հանգեցնել տարբեր քաղաքներում ընկերությունների եւ նոր շփումների հաստատման»,-ասում է նա:

Գլոդը նշում է, որ անհամբեր սպասում է Վիեննայում այս շաբաթավերջին հերթական կնոջ հետ հանդիպմանը: Ընդհանուր առմամբ, նրա «իդեալական կինը» պետք է լինի «խելացի, հավակնոտ եւ զվարճալի»: