Լորեն Սանչեսը՝ հերթական միջոցառմանը ներկայացել է 9000 դոլար արժողությամբ դիզայներական զգեստով
15:31 10 սեպտեմբերի, 2024Լորեն Սանչեսը իր նշանածի՝ Ջեֆ Բեզոսի հետ միասին հայտնվել է Kering Foundation's Caring for Women ընթրիքին՝ իր տեսքով գրավելով ներկաների ուշադրությունը, գրում է Daily Mail-ը:
Հմայիչ զույգը տպավորիչ մուտք է ունեցել Նյու Յորքի Նորաձեւության շաբաթվա ընթացքում երրորդ ամենամյա գալայի կարմիր գորգին, որը կազմակերպվում է ի աջակցություն այն կազմակերպություններին, որոնք աշխատում են գենդերային բռնությանը վերջ դնելու ուղղությամբ:
Լուրերի 54-ամյա նախկին հաղորդավարուհին շլացրել է Oscar De La Renta-ի շքեղ զգեստով, իսկ նրա պայծառ ժպիտը լուսավորել է երեկոն: Նրա՝ ուսերը բաց թավշյա զգեստը, որը զարդարված է ժանյակով, արժե 9000 դոլար:
Զույգը երեկոյի ընթացքում միացել է իրենց աստղային ընկերներին, որոնց թվում էին Քիմ Քարդաշյանը եւ Դակոտա Ջոնսոնը:
Լուսանկարներ՝ Getty Images Kering-ի համար, AFP via Getty Images