Հորդանանն «Օսկարի» մրցանակաբաշխությանը ներկայացնելու համար Արցախի մասին վավերագրական ֆիլմ է ընտրել  

Հորդանանն «Օսկար»-ի 97-րդ մրցանակաբաշխությանը «Լավագույն միջազգային ֆիլմ» անվանակարգում ներկայացնելու համար ընտրել է Հորդանանի հայ ռեժիսոր Սարին Հայրապետյանի «Իմ քաղցր հող» (My Sweet Land) վավերագրական ֆիլմը:

Վավերագրական ֆիլմը պատմում է 11-ամյա Վրեժի մասին, ով երազում է ատամնաբույժ դառնալ Արցախի իր գյուղում, որը դաժան պատերազմի մեջ է։ Երբ նորից սկսվում է կոնֆլիկտը, Վրեժն ու իր ընտանիքը փախչում են՝  վերադառնալու իրենց ավերված հայրենիք այն բանից հետո, երբ իրենց ժողովուրդը պարտվում է պատերազմում։ Մինչ Վրեժը բախվում է դաժան նոր իրականությանը և պատրաստվում է ապագա մարտերին, նա պայքարում է իր հույսերի և տրավմայի ծանրության դեմ:

Ֆիլմը նյույորքահայ ռեժիսոր Հայրապետյանի դեբյուտն է և հաջորդում է HBO-ի համար նրա 40 րոպեանոց «We Are Not Done Yet» վավերագրականին, որն արժանացել է մի քանի մրցանակների:

My Sweet Land-ի պրեմիերան տեղի է ունեցել այս տարվա սկզբին Sheffield DocFest-ում և այն ժամանակվանից ցուցադրվել է մի քանի փառատոներում, ներառյալ հուլիսին Ամմանի միջազգային կինոփառատոնում, որտեղ այն արժանացել է ժյուրիի մրցանակին լավագույն վավերագրական ֆիլմի համար և FIPRESCI մրցանակին լավագույն լիամետրաժ արաբական վավերագրական ֆիլմի համար: