Հելոուինի 11 կոստյում՝ ոգեշնչված SS25 պոդիումներից
20:24 9 հոկտեմբերի, 2024Նորաձեւության ամիսը ոգենչում է մեզ շատ իմաստներով՝ առաջարկելով նոր միտումներ։ Այն նաեւ առաջարկում է մտքեր՝ Հելոուինի կոստյումների համար։
Որպես օրինակ վերցրեք LOEWE-ի աշուն/ձմեռ 2024 ցուցադրությունը, որը հարգանքի տուրք էր մատուցում Ալբերտ Յորքի ինքնատիպ աշխատանքներին, ինչը հանգեցրել է մեծացված սիլուետների՝ զարդարված անտառային տեսարաններով։ Բացի այդ, նորաձեւության ամիսն այն ժամանակն է, երբ դիզայներները լրիվ տրվում են իրենց հավաքածուների ստեղծմանը, դիմահարդարմանը եւ ոճին, ինչը հանգեցնում է վերջնական ոգեշնչման։
Hypebae-ն ներկայացնում է մի քանի կերպարներ նորաձեւության պոդիումներից, որոնք հարմար կլինեն Հելոուինի կատարյալ հագուստի համար։
MAINS London
Մալետ կեղծամում եւ մուգ շրթներկում կա մի ինչ-որ բան, որը պարզապես աղաղակում է Հելոուինի մասին՝ մենք չենք կարող բացատրել դա։ MAINS-ի այս կերպարը վերստեղծելու համար դուք պետք է ընդամենը դպրոցական համազգեստ ունենաք՝ ոչ մեծ գրիմի համադրությամբ, մալետ կեղծամ, եւ ամեն ինչ պատրաստ է։
Balenciaga
Սեւ կարապը միշտ եղել է Հելոուինի սիրելի հագուստը, բայց, հարգանքի տուրք մատուցելով Balenciaga SS25 ցուցադրությանը, դուք կուլտային դասականությանը կհաղորդեք այնքան անհրաժեշտ թարմացումը։ Այն ամենը, ինչ ձեզ պետք է, փայլուն սեւ հագուստն է, օղակաձեւ ակնոցները (որոնք այժմ նորաձեւ են, այնպես որ դրանք գտնելը դժվար չէ) եւ հետ սանրված մազերը։
Mugler
Ոգեշնչվեք Mugler-ի այս կերպարով, որը համադրում է համարձակ ձեւերը բնորոշ կեղծամի հետ, ինչի արդյունքում ստացվում է գրեթե միջատանման սիլուետ։
Alexander McQueen
Ո՞վ է ասել, որ Հելոուինը չի կարող գլամուրային լինել։ Իհարկե, այս ամբողջական կերպարն այնքան էլ հեշտ չի լինի վերստեղծել։ Սեփական ձեռքերով այն ստեղծելու համար կարող եք վերցնել մի ինչ-որ հին շղթա (կայծակնահար) եւ այն կարեք սեւ զգեստին համապատասխան գլխարկի հետ միասին։
Saint Laurent
Նախորդ տարիներին եղել են «Սեւազգեստ մարդկանց» հագուստներ։ Այս տարի լինելու է Բելլա Հադիդը՝ Saint Laurent-ում։ Գուցե սա SS25-ի ամենապարզ կերպարներից մեկն է վերստեղծման համար. այն ամենը, ինչ անհրաժեշտ կլինի այս կերպարի համար, ոճային սեւ կոստյումն է եւ մեծ շրջանակով ակնոցները։
VETEMENTS
VETEMENTS-ը տառացիորեն խնդրում է մեզ վերստեղծել այս կերպարը SS25-ի ցուցադրությունից։ Եվ, իսկապես՝ սիրելի ժապավենը, բազային կրունկներն ու բանդո-շրջազգեստը՝ եւ ամեն ինչ պատրաստ է։
Yohji Yamamoto
Yohji Yamamoto-ի այս կերպարը ներկայացնում է Հելոուինի հանդեպ ավելի ավանդական մոտեցումը, եթե դա ձեր սրտին մոտ է։ Պատկերացրեք խառնիխուռն, հետ սանրված մազեր եւ զգեստ ձեր ձեռքով պատրաստված, տարբեր գործվածքների շերտերից, եւ դա իրականում բավական հեշտ է, բայց արդյունավետ։
AVAVAV
Նույն կերպ էլ AVAVAV SS25 ցուցադրությունը վերիմաստավորել է «փախած հարսնացուն» տերմինը՝ կերպարին ահավոր երանգ հաղորդելով։ Տանն այս կերպարը փորձելու համար դուք պետք է ունենաք միայն կարճ տոպ եւ լեգինսներ՝ ծածկված ժապավեններով, դասական սպիտակ քողի հետ համադրված, եւ մեծ քանակությամբ արհեստական արյուն։
Նատաշա Զինկո
Նատաշա Զինկոյի SS25 ցուցադրությունը ոգեշնչվել է պլաստիկ վիրաբուժության աշխարհից։ Հավաքածուն լի է միջամտություններից ոգեշնչված կերպարներով, որոնք տեղին կլինեին Հելոուինի երեկույթին։ Ամենապարզը, թերեւս, «Ո՞վ է քո վիրաբույժը» շապիկն է մարմնագույն գուլպաների եւ դեմքի վիրակապի համադրությամբ։ Հեշտ է եւ ահարկու։
SP5DER
SP5DER-ը Նյու Յորքի Նորաձեւության շաբաթում ցույց է տվել, որ բրենդը ժամանակակից տրենդ է կիրառել՝ համադրելով համարձակ փոքրիկ բիկինին համապատասխան զգեստի եւ մորթե կոշիկների հետ։ Նրանք, ովքեր բավական համարձակ են, գիտեն, թե ինչ պետք է անել։
Coperni
Ինչպես գիտենք, Հելոուինի հագուստները միշտ չէ, որ պետք է ահարկու լինեն, եւ Դիսնեյի արքայադստեր կերպարը Coperni-ից դրա հիանալի օրինակն է։ Ո՞վ չի ցանկանում իրեն Քայլի Ջեններ զգալ Դիսնեյլենդում։ Այն ամենը, ինչ ձեզ պետք է՝ ճոխ պարահանդեսային զգեստն է, մի զույգ հարմար ձեռնոցը եւ արքայադստերը վայել համապատասխան վարքը։