Ջեք Նիքոլսոնի որդին՝ Ռեյը, ընդօրինակել է հոր սահմռկեցուցիչ ժպիտը «Ժպիտ 2» ֆիլմում
11:18 19 հոկտեմբերի, 2024Ռեյ Նիքոլսոնը հոր՝ Ջեք Նիքոլսոնի իրական կրկնօրինակն է «Ժպիտ 2» թրիլլերում։ Արյունոտ նոր սարսափի շարունակությունում 32-ամյա Ռեյը երկրորդական դեր է խաղում՝ մարմնավորելով Փոլ Հադսոն անունով կինոաստղին, ով կապեր ունի գլխավոր հերոսի՝ փոփ երգչուհի Սքայ Ռայլիի անհանգիստ անցյալի հետ, որին մարմնավորում է Նաոմի Սքոթը:
Որոշ տեսարաններում Ռեյը սարսափելի ժպիտ ունի, որով կրկնօրինակում է հոր՝ Ջեքի խորհրդանշական ժպիտը, որը վերջինը ցուցադրել էր «Փայլատակում» ֆիլմում:
Ինչպես Ռեյը պատմել է Deadline-ին, նա իր ողջ կյանքն անցկացրել է իր կինոաստղ հոր շուրջ՝ դիտելով նրան եւ գրառումներ անելով։
«Մենք շատ տարբեր մարդիկ ենք», -ասել է Ռեյը, ով Ջեքի վեց երեխաներից մեկն է: «...Ես սիրում եմ նրան։ Նա իմ ոգեշնչումն է։ Այնպես որ, իհարկե, ինչ-որ չափով մենք նման ենք»։