«Սառցե» հոնքեր, «գոթ աղջկա» գլամուր, վամպիրային շուրթեր. գալիք ձմռան դիմահարդարման հիմնական միտումները
22:19 5 նոյեմբերի, 2024Սառը եղանակի սկսվելուն պես արժե վերանայել ձեր դիմահարդարումը: Այս տարի թրենդային շրթներկի մուգ, խորը և սալորագույն երանգները անշեղորեն հանրաճանաչություն են ձեռք բերում։
Նույն՝ գրեթե սև շրթներկերի հետ համակցված՝ դիմահարդարման այլ ավելի արտասովոր միտումները, ինպես սառցե հոնքերը և «գոթ աղջկա» գլամուրը, ակնկալվում է, որ առաջին պլան կգան սեզոնների փոփոխության հետ մեկտեղ: «Գոթական գլամուրի» ազդեցությունն ուժեղ է, բայց թարմացվում է էլեգանտությամբ», - Bustle-ին ասում է Stila Cosmetics-ի համաշխարհային գեղեցկության տնօրեն Չարլի Ռիդլը:
Ահա 2025 թվականի ձմեռային դիմահարդարման գլխավոր միտումները՝ ըստ մասնագետների.
Դարչինի նրբերանգով բրոնզեր
Հայտնի դիմահարդար Թոբի Հենիի կարծիքով՝ թրենդներում կգերիշխեն դարչնագույն երանգով բրոնզերների ալիքը, և «ավելի բնական այտներկերը՝ բրոնզե երանգներով»։
«Վամպ» ոճի շուրթերը՝ սալորագույն երանգով
Ձմեռը կատարյալ ժամանակն է շուրթերի խորը, մուգ գույներով փորձարկումների համար, իսկ թանձր երանգներն այս տարի հայտնի կլինեն:
Ռոմանտիկ փարթամ թարթիչներ
Վերջին ամիսներին մոդայիկ էր թարթչաներկի բացակայությունը կամ դրա նվազագույն օգտագործումը: Բայց քանի որ մոտենում է ձմեռը, միտումները սկսում են փոխվել մի փոքր ավելի դրամատիկ ուղղությամբ: Նորաձևության մեջ են փարթամ թարթիչները։
Գլամուրային գոթ
Հայտնի մարդկանց կողմից սիրված ածխագույն մազերի երանգներից մինչև «մուգ կոկետ» մատնահարդարում, գոթական գլամուրը մեր օրերում գեղեցկության աշխարհում ամենակարևոր մասն է: Եվ այն շարունակում է իր հետքը թողնել այս ձմռանը։ Աչքերի ինտենսիվ դիմահարդարման համար մտածեք հարուստ, մուգ երանգների մասին, ինչպիսիք են սևը, շագանակագույն ու անտառային կանաչը։
Մաշկի իսկական փայլ
Թրենդները տատանվում են խոնավ և անփայլ ֆինիշների միջև: Այս սեզոնին թրենդային կլինի մի փոքր փայլով թավշյա մաշկը։
Սառը ստվերաներկեր
Մոխրագույնը, սառը շագանակագույնը և բեժն արդեն որոշ ժամանակ է, ինչ թրենդային են, և դրանց անհետանալու նախանշաններ չկան: Ձմռանը ստվերաներկերի գույներն ավելի սառը կլինեն։
Գրեթե բնական կարմրություն
Եթե դուք BeautyTok-ի սովորական օգտատեր եք, հավանաբար նկատել եք այտներկի վերջին բեժ նուրբ երանգների մոլուցքը: Ձմռանը թրենդային կլինեն այտներկի գույները, որոնք մոտ են բնական կարմրությանը և հալչում են մաշկին:
«Սառցե» հոնքեր
Ռիդլը կարծում է, որ մի փոքր անսպասելի փայլի համար ձեր հոնքերին սառցե տեսք տալը հիանալի միջոց է տեսքը թարմացնելու համար: «Ձեր հոնքերին ցրտաշունչ էֆեկտ տվեք թեթև փայլով սպիտակ կամ արծաթագույն պրոդուկներով», - ասում է նա:
Բրոնզե մետաղական փայլ
Ջերմ մետալիկ շողերը կոպերի վրա թրենդային են 2025 թվականի ձմռանը: «Թեև ստվերաներկերի սառը երանգները կշարունակեն հանրաճանաչ մնալ ամենացուրտ ամիսներին, տաք մետաղական փայլերը, ինչպես ոսկին կամ բրոնզը, դեռևս հիմնական միտում են»: