Սոֆոկլեսի «Էդիպուս արքա»֊ի պատմությունը՝ «Թատրոն 8»-ում
13:25 8 նոյեմբերի, 2024«Թատրոն 8»-ն անդրադարձել է հունական դրամատուրգիայի ամենահայտնի ողբերգություններից մեկին՝ Սոֆոկլեսի «Էդիպուս արքա» ֊ի պատմությանը:
Ռեժիսոր՝ Վլադիմիր Տառասյանց։ Սա արդեն երկրորդ համագործակցությունն է Վլադիմիր Տառասյանցի հետ. առաջինը եղել է «Քույրեր» ներկայացումը, որի պրեմիերան կայացել է 2023֊ թվականի մարտի 30-ին։
«ԷԴԻՊ» ստեղծագործությունը գրվել է մ.թ.ա. 5-րդ դարում, սակայն պահպանել է իր արդիականությունը մինչ այժմ և այսօր ստացել նոր ժամանակների շունչ։
Այսօր այն մեզ ծառայում է որպես օրինակ՝ պատմության միջոցով ցույց տալու և ներկայացնելու այն իրադարձությունները, որի միջով Էդիպը անցնում էր անգիտակցաբար։
Էդիպի կյանքի պատմությունը իր հոր՝ Լայոսի անպատասխանատու քայլի պատճառն էր, և սա հրաշալի առիթ է այսօրվա մարդուն ևս մեկ անգամ հիշեցնելու, որ անփույթ չլինի իր կյանքի նկատմամբ, ավելի զգուշավոր և ուշադի ապրի։
Սոֆոկլեսը, Էդիպի պատմությունը անվանում է կյանքի ընդհանուր օրենքի օրինակ. ցանկացած հաջողություն խաբկանք է։ Եվ այդ խաբկանքից հետո անխուսափելիորեն գալու է «մայրամուտի» ժամանակը, ինչպես և արևն է մայր մտնում։ Այդպիսին է յուրաքանչյուր մարդու ճակատագիրը։
Բեմադրիչը Վլադիմիր Տառասյանցն է, գլխավոր դերում՝ ժաննա Հովակիմյան, նկարիչ՝ Անժելա Հովակիմյան, դիզայն՝ Ռեբեկա Խաչիկյան:
