Բելլա Հադիդը Chopard-ի «Sculpted by Light» գովազդում
16:06 13 նոյեմբերի, 2024Շվեյցարական Chopard ոսկերչական տունը ներկայացրել է իր Ice Cube ֆիրմային դիզայնի սահուն ձեւերը կապսուլային հավաքածուում։
Ice Cube-ի երկրաչափական եւ ուլտրամինիմալիստական առաջարկը սկզբից եւեթ կազմված էր լույսի շարժման շուրջ։
Շարունակելով առաջ մղել Ice Cube շարքի արդիական ոճը՝ վերջին կապսուլային հավաքածուն դիմում է քաղաքային հորիզոնների գիշերային փայլին եւ, մասնավորապես, երկնաքերների լույսի փոքր պատուհաններին։
Այս կերպարը կերտելու համար Haute Joailleries Chopard-ի արհեստանոցները, որոնք իրենց անվանումը տվել են նոր կապսուլին, պատրաստում են հայելային կերպով հղկված, տարբեր բարձրության խորանարդների եւ դրանք հավաքում են՝ վերածելով ճկուն, ցանցանման կառուցվածքի, որում լույսը կարելի է որսալ տարբեր անկյունների տակ։
Վերջնական արդյունքը եռակի մանյակ-չոքերի եւ ապարանջանի ստեղծումն է։ Յուրաքանչյուր իր պատրաստված է 18 կարատանոց վարդագույն ոսկու հիման վրա, ինչպես նաեւ զարդարված է ամեն մի խորանարդիկում ներկառուցված ադամանդներով, ինչը նրանց լրացուցիչ փայլ է հաղորդում։