Ամենաթանկ «ամանորյա տոնածառը». լուսադիոդներով զարդարված Bugatti Chiron-ն 4 մլն եվրո արժե
15:17 10 դեկտեմբերի, 2024Նիդեռլանդական Bernards Exclusives ավտոդիլերը որոշել է շքեղ մեքենան վերածել սուրբծննդյան տոնածառի։ Bugatti Chiron-ը զարդարել են լուսադիոդներով՝ ստեղծելով աշխարհում ամենաարագ «սուրբծննդյան տոնածառը»։
View this post on Instagram
Հոլանդական դիլերային կենտրոնը ինսթագրամում հըրապարակել է տեսանյութ զարդարված Chiron-ի վերաբերյալ։ Սուպերմեքենան արժե 4 մլն եվրո, ինչը, գուցե, այն դարձնում է ամենաթանկ սուրբծննդյան տոնածառն աշխարհում։ Հոլանդական Pure Luxe պարբերականի տվյալներով՝ ավտոսրահի աշխատողները մոտ չորս ժամ են ծախսել, որպեսզի գերթանկ Bugatti-ն զարդարեն լուսադիոդներով։
Հավանաբար, դա այնքան էլ հեշտ չէր՝ նկատի ունենալով այն, որ ցանկացած սխալ կարող է հանգեցնել հազարավոր դոլարների վնասի։ Հետաքրքիր է, որ մեքենայի զարդարումը լույսերով անօրինական է համարվում Նիդեռլանդներում, ինչպես նաեւ շատ այլ երկրներում։ Այնուամենայնիվ, այդ միտումը շարունակում է տարածվել շնորհիվ ինտերնետում հանրահայտության հասնելու մշտական ձգտման։