Իվանկա Թրամփը հոր երդմնակալության խնջույքին կրել է իր կուռքի՝ Օդրի Հեփբերնի զգեստը
14:14 21 հունվարի, 2025Իվանկա Թրամփը ապշեցրել է իր հոր՝ Դոնալդ Թրամփի երդմնակալության խնջույքի ներկաներին՝ վերստեղծելով 1954 թվականի խորհրդանշական կուտյուրային զգեստը, որը կրել էր Օդրի Հեփբերնը:
Նախագահի դուստրն ամուսնու՝ Ջարեդ Քուշներցի հետ բեմ է բարձրացել Վաշինգտոնում կայացած Liberty Ball-ի ժամանակ։ Նա կրում էր էլեգանտ սպիտակ, առանց ժապավենի զգեստ՝ երկար կիսաշրջազգեստով և բարդ սև ծաղկային դետալներով:
Իվանկան վերստեղծել էր Հյուբերտ դե Ժիվանշիի 1954 թվականի սև և սպիտակ զգեստը, որն ի սկզբանե նախատեսված էր «Սաբրինա» ֆիլմում Օդրիի կերպարի համար:
Սպիտակ տան խոսնակն ասել է, որ Իվանկայի համար «պատիվ էր զգեստը կրելը» և «նա անհավանական երախտապարտ է Arnault ընտանիքին և Givenchy ատելիեին այս գլուխգործոցը ստեղծելու համար, որն արտացոլում է օրիգինալ վարպետությունն ու էլեգանտությունը զարմանալի ճշգրտությամբ և արվեստով»:
«Օդրի Հեփբերնը երկար ժամանակ եղել է Իվանկայի համար անձնական ոգեշնչման աղբյուր: Նա իրեն արտոնված է զգում, որ կարողացել է նրա ժառանգությունն այս կերպ հարգել եւ աներևակայելի երախտապարտ է Givenchy թիմին այս պահը կյանքի կոչելու համար»: